টি আৰ পি কেলেংকাৰী:তিনি মাহৰ বাবে বন্ধ টিভি চেনেলসমূহৰ সাপ্তাহিক ৰেটিং

প্ৰণৱজ্যোতি দত্ত,১৫অক্টোবৰ:ৰেটিং এজেঞ্চি বিএআৰচি (ব্ৰডকাষ্ট অডিঅ’ৰ ৰিচাৰ্চ কাউন্সিল)য়ে আগন্তুক তিনি মাহৰ বাবে টিভি চেনেলসমূহৰ সাপ্তাহিক ৰেটিং নিষিদ্ধ কৰাৰ সিদ্ধান্ত লৈছে।

ৰেটিং এজেন্সীটোৰ ফালৰ পৰা জানিবলৈ দিয়া অনুসৰি, ফেক ৰেটিঙৰ বাতৰি আৰু তেনে অভিযোগৰ ওপৰত তেওঁলোকে নিজৰ চিষ্টেম ভালদলে পৰ্যপেক্ষণ কৰিব।ফলত এক সিদ্ধান্তত উপনীত হ’ব নোৱাৰা পৰ্যন্ত নিউজ জ’নাৰৰ লগতে বিএআৰচিয়ে সকলো বাতৰি চেনেলৰ বাবে পৃথক পৃথককৈ জাৰি কৰা সাপ্তাহিক ৰিপৰ্ট বন্ধ কৰিব।

ৰেটিঙৰ এই নতুন নিয়ম ইংৰাজী, হিন্দী, আঞ্চলিক ভাষা আৰু ব্যৱসায়িক নিউজ চেনেলত প্ৰযোজ্য হ’ব।উল্লেখযোগ্য যে,মুম্বাই আৰক্ষীয়ে ৰিপাব্লিক টিভিৰ লগতে দুটা মাৰাঠী টেলিভিছন চেনেলৰ বিৰুদ্ধে ধনৰ বিনিময়ত টি আৰ পি মেনেজ কৰাৰ অভিযোগ উত্থাপিত কৰিছিল।

বিশেষকৈ ঘটনা সন্দৰ্ভত আৰক্ষীয়ে তদন্ত ঘোষণা কৰিছিল।