৫০,০০০ টকা প্ৰতি কিলোগ্রাম দৰত বিক্ৰী হৈছে আলু

গুৱাহাটী, ৩ ডিচেম্বৰঃ আলুক পাচলিৰ ৰজা বুলি কোৱা হয় আৰু সাধাৰণতে বজাৰত ইয়াৰ মূল্য অতি কম হয়। প্ৰতিটো ঋতু অনুসৰি, ইয়াৰ মূল্য ১০, ২০ টকাৰ পৰা প্ৰায় ৩৫-৪০ টকালৈ বিক্ৰী হয়, তথাপিও আন যিকোনো পাচলিৰ তুলনাত আলুৰ মূল্য অতি কম। কিন্তু শেহতীয়াকৈ এবিধ বিশেষ আলু প্ৰতি কিলোগ্ৰামত ৫০,০০০ টকাত বিক্রী হৈছে, যাৰ অৰ্থ হৈছে মানুহে এক কিলোগ্ৰাম আলুৰ মূল্যৰ সলনি সোণ-ৰূপ গহনা ক্ৰয় কৰিব পাৰিব। এই বিশেষ আলুবিধৰ নাম হৈছে লে বনোট। ই ফ্ৰান্সত উৎপন্ন হোৱা এটা আলুৰ প্ৰজাতি। ইয়াক বিশেষভাৱে ফৰাচী দ্বীপ ইলে ডি নইৰমাউটিয়েৰত খেতি কৰা হয়। এই আলুৰ খেতিৰ বাবে এক বিশেষ প্ৰকাৰৰ বালি মাটি ব্যৱহাৰ কৰা হয়।

এই আলুৰ আধা কিলোগ্ৰামৰ বাবে, মানুহে প্ৰায় ২৫০ ইউৰো, অৰ্থাৎ প্ৰায় ২২ হাজাৰৰ পৰা ২৩ হাজাৰ টকা মূল্য পৰিশোধ কৰিছে। এই আলুৰ মূল্য কেতিয়াবা বাঢ়ে আকৌ কেতিয়াবা কমে। লে বনোট আলু এবছৰত কেৱল ১০ দিনৰ বাবেহে উপলব্ধ। এই নিমখীয়া সোৱাদযুক্ত আলু সাধাৰণতে ঘৰত চালাড আৰু চুপ তৈয়াৰ কৰিবলৈ ব্যৱহাৰ কৰা হয়। ই বহুতো ৰোগৰ বিৰুদ্ধে যুঁজ দিয়ে।