পাণ্ডুৰ অগ্নিকাণ্ডত ক্ষতিগ্রস্ত পৰিয়াললৈ মুখ্যমন্ত্ৰী ড° শৰ্মাৰ সাহায্য

গুৱাহাটী, ২ ডিচেম্বৰঃ মুখ্যমন্ত্ৰী ড° হিমন্ত বিশ্ব শৰ্মাই শুকুৰবাৰে গুৱাহাটীৰ পাণ্ডুত সংঘটিত ভয়ংকৰ অগ্নিকাণ্ডত ক্ষতিগ্রস্ত হোৱা ১৫ টা পৰিয়ালক সাক্ষাৎ কৰি আৰ্থিক সাহায্য আৰু অত্যাৱশ্যকীয় সামগ্ৰী যোগান ধৰাৰ কথা ঘোষণা কৰে।

মুখ্যমন্ত্ৰী গৰাকীয়ে প্ৰতিটো পৰিয়ালৰ বাবে ২৫,০০০ টকাৰ ক্ষতিপূৰণ মুকলি কৰে আৰু খাদ্য আৰু অন্যান্য অত্যাৱশ্যকীয় সামগ্ৰী বিতৰণ কৰে। উল্লেখ্য যে, বৃহস্পতিবাৰে পুৱা এটা আৱাসিক এলেকাত ভয়ংকৰ অগ্নিকাণ্ড সংঘটিত হোৱাৰ ফলত কমেও ৮ টা ঘৰ ছাই হৈ যায়।