মেছিৰ নেতৃত্বত আৰ্জেণ্টিনা আৰু পোলেণ্ডৰ ৰাউণ্ড অফ ১৬ ৰ বাবে যোগ্যতা অৰ্জন

গুৱাহাটী, ১ ডিচেম্বৰঃ চলিত ফিফা বিশ্বকাপৰ কাটাৰৰ ষ্টেডিয়াম ৯৭৪ ত অনুষ্ঠিত খেলত আৰ্জেণ্টিনাই তেওঁলোকৰ অন্তিম গ্ৰুপ চি ফিক্সাৰত পোলেণ্ডক পৰাস্ত কৰি ৰাউণ্ড অফ ১৬ ৰ বাবে যোগ্যতা অৰ্জন কৰে। কনমেবল দলটোৱে ০-০ ত স্ক'ৰ বান্ধি অৰ্ধ-সময়ত প্ৰৱেশ কৰে। হাফ টাইমৰ পিছত এলেক্সিছ মেক এলিষ্টাৰে ৪৬ মিনিটত গ'ল কৰি আৰ্জেণ্টিনাক বিজয়ৰ দিশে আগুৱাই লৈ যায় আৰু তাৰ পিছত ৬৭ মিনিটত জুলিয়ান আলভাৰেজে ২-০ গ'ল কৰে।

ইফালে, প্ৰথমাৰ্ধত লিয়োনেল মেছিয়ে পেনাল্টি হেৰুৱায়। কিন্তু পৰাজয় স্বত্বেও পোলেণ্ডে মেক্সিকোতকৈ ভাল গ'লৰ পাৰ্থক্যৰ সৈতে পৰৱৰ্তী ৰাউণ্ডৰ বাবে যোগ্যতা অৰ্জন কৰে, যিয়ে লুচাইল ষ্টেডিয়ামত চৌদি আৰৱক ২-১ গ'লত পৰাস্ত কৰে। মেক্সিকোৰ হৈ হেনৰী মাৰ্টিন (৪৭') আৰু লুইচ চাভেজে (৫২') গ'ল কৰে। ইফালে, চালেম আলদাওছাৰীয়ে অতিৰিক্ত সময়ৰ ৫ মিনিটত চৌদি আৰৱৰ হৈ গ'লটো কৰে।