চৰাইদেউ জিলাৰ সোণাৰিত বিশ্ব এইডছ দিৱস পালন

সোণাৰি,নিজা প্ৰতিবেদক, ১ ডিচেম্বৰ : ৰাজ্যখনৰ অন্যান্য ঠাইৰ লগতে আজি সোণাৰিতো বিশ্ব এইডছ দিৱস পালন কৰা হয়। এই উপলক্ষে চৰাইদেউ জিলা স্বাস্থ্য সমিতিৰ উদ্যোগত আৰু নাফুক চাহ বাগিচা কৰ্তৃপক্ষৰ সহযোগত সোণাৰিৰ সমীপৰ নাফুক চাহ বাগিচাত এক সজাগতা সভা অনুষ্ঠিত কৰা হয়।

সভাত চৰাইদেউ জিলাৰ ৰাষ্ট্ৰীয় স্বাস্থ্য মিছনৰ জিলা প্ৰকল্প পৰিচালক অভিজিত শৰ্মা, নাফুক চাহ বাগিচাৰ জেষ্ট চিকিৎসক হৰেন কোঁৱৰ, ডি চি এম ৰফিক আহমেদ, জ্যেষ্ঠ চিকিৎসা তত্বাৱধায়ক মৃত্যুঞ্জয় দাস, নাফুক চাহ বাগিচাৰ হেলথ এচিষ্টেণ্ট আমোছ তাঁতী আদিয়ে ভাষণ দিয়ে। সভাৰ অন্তত এইডছ ৰোগৰ সম্পৰ্কে সজাগতা বৃদ্ধিৰ উদ্দেশ্য এখনি সজাগতা ৰেলীও উলিওৱা হয়।