বিবাহৰ পূৰ্বে লিভ-ইন ৰিলেছনশ্বিপ নিষিদ্ধ কৰা দেশখন

গুৱাহাটী, ৬ ডিচেম্বৰঃ বিশ্বৰ সৰ্বাধিক মুছলমান জনসংখ্যা থকা দেশ ইণ্ডোনেছিয়াই চলিত সপ্তাহত এক নতুন অপৰাধী আইন গৃহীত কৰিব বুলি আশা কৰা হৈছে। এই আইনৰ অধীনত, যিসকলে বিবাহৰ পূৰ্বে লিভ-ইন ৰিলেছনশ্বিত থাকি সম্ভোগ কৰে তেওঁলোকক এবছৰৰ বাবে শাস্তি দিয়া হ'ব। ইয়াৰ উপৰিও, এই আইনৰ অধীনত, পুৰুষ আৰু মহিলাৰ মাজত লিভ-ইনত বাস কৰাৰ ওপৰতো নিষেধাজ্ঞা আৰোপ কৰা হ'ব। এই আইনৰ সৈতে জড়িত এজন ৰাজনীতিবিদ বাম্বাং ৱুৰিয়াণ্টোৱে কৈছে যে, "চলিত সপ্তাহৰ আৰম্ভণিতে আইনখন গৃহীত হ'ব পাৰে। যদি এই আইন গৃহীত হয়, তেন্তে ইণ্ডোনেছিয়াৰ নাগৰিক আৰু বিদেশী লোকসকলৰ ক্ষেত্ৰতো বেলেগ ধৰণে প্ৰযোজ্য হ'ব। 

আইন অনুসৰি, অভব্য আচৰণ কৰাৰ বাবে শাস্তি কেৱল তেতিয়াহে কাৰ্যকৰী হ'ব, যেতিয়া কোনোবাই কৰ্তৃপক্ষৰ ওচৰত অভিযোগ দাখিল কৰে। যিসকল বিবাহিত, তেওঁলোকৰ মাজৰ স্বামী অথবা পত্নীৰহে অভিযোগ দাখিল কৰাৰ অধিকাৰ থাকিব। অবিবাহিতসকলৰ অভিভাৱকে শিশুৱে যৌন সম্ভোগ কৰাৰ বিষয়েও অভিযোগ কৰিব পাৰে। বিবাহৰ আগতে লিভ-ইনত বাস কৰাটো আইনৰ অধীনত নিষিদ্ধ কৰা হ'ব আৰু দোষী সাব্যস্ত হোৱা সকলে ৬ মাহ কাৰাবাস খাটিব লাগিব।