এটা বিশেষ কাৰণত চিনেমাৰ ছেটত অপমানিত হৈছিল অমিতাভ বচ্চন

গুৱাহাটী, ৫ ডিচেম্বৰঃ চিনেমা জগতৰ মেগাষ্টাৰ অমিতাভ বচ্চনে চলচ্চিত্ৰ জগতত প্ৰায় ৫৩ বছৰ পাৰ কৰিলে। অমিতাভ বচ্চনৰ উদ্যোগত প্ৰতিটো দিন স্মৰণীয় হৈ আছে। তেওঁ প্ৰায়ে তেওঁৰ স্মৃতিবোৰ ৰোমন্থন কৰি থাকে। শেহতীয়াকৈ অমিতাভ বচ্চনে তেওঁৰ ব্লগত এক বিশেষ কথা উল্লেখ কৰিছে যি প্ৰায় ৫০ বছৰ পুৰণি। এই পুৰণি কাহিনীটো শ্বেয়াৰ কৰি অমিতাভ বচ্চনে কৈছে যে, "মোৰ ৰঙা ওঁঠৰ বাবে বহুবাৰ গালি খাইছো। যেতিয়া মই 'আনন্দ' চলচ্চিত্ৰখনৰ দৃশ্যগ্ৰহণৰ সময়ত কেমেৰাৰ সন্মুখলৈ আহিছিলো, পৰিচালকে মোৰ ওপৰত চিঞৰি উঠিছিল।"

"তেতিয়া মোৰ ওঁঠ অস্বাভাৱিকভাৱে ৰঙা হৈ আছিল আৰু যেতিয়াই মই কেমেৰাৰ সন্মুখলৈ গৈছিলো, পৰিচালক আৰু ডিঅ'পিয়ে মোক চিঞৰি কৈছিল, আপুনি কিয় ওঁঠত লিপষ্টিক লগাই ৰাখিছে, আপুনি নিজকে কি বুলি ভাবে, এয়া মচি লওক।"

অমিতাভে আৰু লিখিছে যে, "তেতিয়া মই পৰিচালকক কৈছিলো যে, মই লিপষ্টিক লগোৱা নাই, এয়া মোৰ প্ৰাকৃতিক ৰং।"