যমজ ভগ্নীক বিয়া কৰাই বিপদত পৰিল মহাৰাষ্ট্ৰৰ দৰা

গুৱাহাটী, ৫ ডিচেম্বৰঃ মুম্বাইৰ এজন ব্যক্তিয়ে নিজ গৃহ চহৰত যমজ ভগ্নীৰ সৈতে বিবাহ পাশত আৱদ্ধ হোৱা সন্দৰ্ভত মহাৰাষ্ট্ৰ ৰাজ্যিক মহিলা আয়োগে চোলাপুৰ আৰক্ষীক প্ৰতিবেদনৰ তদন্ত আৰু ব্যৱস্থা ল'বলৈ নিৰ্দেশ দিয়ে, যাৰ ফলত সোমবাৰে এক বৃহৎ হুলস্থূলীয়া পৰিৱেশৰ সৃষ্টি হয়। মহিলা আয়োগৰ অধ্যক্ষা ৰূপালী চকাংকৰে চোলাপুৰ আৰক্ষী অধীক্ষকক বিবাহ কৰোৱা ব্যক্তিজনক সোধা-পোছা কৰিবলৈ, আইপিচি ধাৰা ৪৯৪-ৰ অধীনত অবৈধ বিবাহৰ অধীনত ব্যৱস্থা গ্ৰহণ কৰিবলৈ আৰু অগ্ৰাধিকাৰৰ ওপৰত মহিলা আয়োগক প্ৰতিবেদন দিবলৈ কৈছে।

ঘটনা অনুসৰি, অতুল ইউ অৱতাদ নামৰ ব্যক্তিজনে ৰিঙ্কি এম পদগাওঁকাৰ আৰু পিঙ্কি এম পদগাওঁকাৰ নামৰ এহাল যমজ ভনীয়েকৰ সৈতে বিবাহ পাশত আৱদ্ধ হয় আৰু দুয়োৰে বয়স ৩৬ বছৰ। তেওঁলোক মুম্বাইৰ এটা ব্যক্তিগত তথ্য প্ৰযুক্তি কোম্পানীত অভিযন্তা হিচাপে কাম কৰে আৰু তেওঁলোক পশ্চিম কান্দিভালীত বাস কৰি আহিছিল। ২ ডিচেম্বৰত ৩০০ জন অতিথিৰ উপস্থিতিত নৱবিবাহিত তিনিজনীয়া দম্পতিহালৰ বিবাহসম্পন্ন হয় আৰু ইয়াৰ ভিডিঅ' ছচিয়েল মিডিয়াত ভাইৰেল হৈ পৰে।

বিশেষ সূত্ৰযোগে জানিব পোৱা অনুসৰি অৱতাদে ইতিমধ্যে বহুবাৰ বিবাহপাশত আৱদ্ধ হৈছে আৰু তেওঁৰ প্ৰথমা পত্নীৰ যমজ সন্তান থকাৰ ওপৰত বিভিন্ন অভিযোগ উত্থাপন কৰিছে, যদিও আৰক্ষীয়ে এতিয়ালৈকে এই সন্দৰ্ভত কোনো মন্তব্য কৰা নাই। বৰ্তমান আইন বিশেষজ্ঞসকলে এই সন্দৰ্ভত কৈছে যে 'টু-উইথ-ৱান' বিবাহ বিভিন্ন ভিত্তিত বৈধতা পৰীক্ষাত বিফল হয় আৰু তিনিওজন, অতুল, ৰিঙ্কি আৰু পিঙ্কি - এক বিতং তদন্তৰ পিছত বিভিন্ন অপৰাধৰ বাবে দোষী সাব্যস্ত হ'ব পাৰে।