গুৱাহাটীৰ কাহিলীপাৰাস্থিত মডাৰ্ণ ইংলিছ স্কুলত চি.বি.এছ.ই.ৰ ফাৰ ইষ্ট জ'ন টাইকোৱানডো টুৰ্ণামেণ্ট আৰম্ভ

গুৱাহাটী, ৯ ডিচেম্বৰঃ গুৱাহাটীৰ কাহিলীপাৰাস্থিত মডাৰ্ণ ইংলিছ স্কুলে চেণ্ট্ৰেল ব'ৰ্ড অৱ চেকেণ্ডেৰী এডুকেশ্বন (চি.বি.এছ.ই.)ৰ ফাৰ ইষ্ট জ'ন টাইকোৱানডো টুৰ্ণামেণ্ট, ২০২২ অনুষ্ঠিত কৰে। তিনিদিনীয়া কাৰ্যসূচীৰে আয়োজিত এই অনুষ্ঠানটো ৯ ডিচেম্বৰ, ২০২২ শুক্ৰবাৰে আৰম্ভ হৈ আৰু ১১ ডিচেম্বৰ, ২০২২ দেওবাৰে সমাপ্ত হ’ব। শ্ৰী টি. মাতে, আৰ.ও., চি.বি.এছ.ই., মিষ্টাৰ মহাদেৱ ডেকা, ক্ৰীড়া অনুৰাগী তথা মিষ্টাৰ ইউনিভাৰ্চ, ২০০৯, মিষ্টাৰ পংকজ দাস, সঞ্চালক, মডাৰ্ণ ইংলিছ স্কুল আদি বিভিন্ন গণ্য-মান্য ব্যক্তিৰ উপস্থিতিত অনুষ্ঠানটোৰ আৰম্ভণি কৰা হয়। আৰম্ভণি অনুষ্ঠানটোৰ পিছতে এটি গীত পৰিৱেশন আৰু ঢোলবাদন প্ৰদৰ্শন কৰা হয়। সমূহ চি.বি.এছ.ই. স্কুলৰ শ্ৰেণীসমূহৰ মাৰ্চ-পাষ্ট আৰু অংশগ্ৰহণকাৰী দলসমূহৰ দলপতিৰ শপতগ্ৰহণ এই অনুষ্ঠানটোৰ অংশ আছিল। 

১২৮ খন স্কুলৰ ৭০০ তকৈ অধিক শিক্ষাৰ্থীয়ে এই প্ৰতিযোগিতাত পঞ্জীয়ন কৰিছিল। জ'ন আৰু ৰাষ্ট্ৰীয় প্ৰতিযোগিতাত অসম, পশ্চিমবংগ, চত্তিছগড় আৰু ওড়িশা এই চাৰিখন ৰাজ্যৰপৰা অন্তৰ্ভুক্তি লাভ কৰে। স্কুলখনত টাইকোৱানডো প্ৰতিযোগিতাৰ আয়োজন এয়াই প্ৰথম নহয়। এইবছৰৰ আৰম্ভণিতে বিদ্যালয়খনে কামৰূপ মেট্ৰো টাইকোৱানডো এছোচিয়েশ্বনৰ সহযোগত ১ম সদৌ অসম বিদ্যালয় টাইকোৱানডো চেম্পিয়নশ্বিপ অনুষ্ঠিত কৰে। শিক্ষাৰ্থীসকলৰ বহুমুখী বিকাশ আৰু তেওঁলোকক ভৱিষ্যতৰ বাবে প্ৰস্তুত কৰাৰ অৰ্থে বিদ্যালয়খনে ক্ৰীড়া আৰু আনুষংগিক কাৰ্যকলাপসমূহ সমৰ্থন কৰে। 

ইপিনে, মডাৰ্ণ ইংলিছ স্কুলৰ অধ্যক্ষা মিছেছ জোনালী দাসে কয়, "আমি এই অনুষ্ঠানটো আমাৰ বিদ্যালয়ৰ চৌহদত অনুষ্ঠিত কৰিবলৈ পাই সুখী আৰু আমি অতিথিবৃন্দ, শিক্ষাৰ্থী আৰু অংশগ্ৰহণকাৰী বিদ্যালয়সমূহক তেওঁলোকৰ উপস্থিতিৰ বাবে ধন্যবাদ জনাইছোঁ। আমাৰ বিদ্যালয়খনে সকলোধৰণৰ খেল সমৰ্থন কৰে, তাৰ ভিতৰত টাইকোৱানডো অন্যতম। এইটো এটা ৰণক্ৰিয়া যিয়ে শিক্ষাৰ্থীক যুঁজৰ উপৰিও অধিক শিকায়। ই শিক্ষাৰ্থীসকলৰ মাজত ক্ৰীড়াত্মক ভাৱৰ উদগনি যোগায় আৰু সুস্থ প্ৰতিযোগিতাৰ বাবে উৎসাহিত কৰে। ইয়াৰ উপৰিও ই শিক্ষাৰ্থীক শাৰিৰীক আৰু মানসিক দৃঢ়তা গঢ়িবলৈ শিকায়।"

তেওঁ লগতে কয় যে, "শাৰিৰীক উপকাৰিতাৰ উপৰিও ই শিক্ষাৰ্থীক অনুশাসন আৰু আত্ম-সংযম আদিৰ দৰে জীৱন কৌশল শিকায়। টাইকোৱানডোত তীব্ৰ প্ৰশিক্ষণ আৰু মনোযোগৰ প্ৰয়োজন হয়, যিয়ে শিক্ষাৰ্থীসকলক তেওঁলোকৰ শৰীৰক মগজুৰ সৈতে এক আৰু তেওঁলোকৰ গতিবিধি আৰু অনৈচ্ছিক ক্ৰিয়াক নিয়ন্ত্ৰণ কৰাত সহায় কৰে। এই শিক্ষাসমূহে শিক্ষাৰ্থীক ভৱিষ্যতে এক সফল জীৱন লাভ কৰাত সহায় কৰে।"