৯ দিনত আৰক্ষীলৈ ২০০০ ফোন, তাৰ পিছত..

গুৱাহাটী, ১০ ডিচেম্বৰঃ সাধাৰণতে, নিকটতম আৰক্ষীৰ সৈতে যোগাযোগ কৰিবলৈ প্ৰতিখন দেশতে বহুতো নিয়ম প্ৰস্তুত কৰা হৈছে। কিন্তু কেতিয়াবা এনেকুৱা হয় যে মানুহে ইয়াক অপব্যৱহাৰ কৰা দেখা যায়। শেহতীয়াকৈ, এনে ঘটনা সন্মুখলৈ আহিছে য'ত এজন মানুহে মাত্ৰ ৯ দিনত আৰক্ষীক দুই হাজাৰতকৈও অধিক বাৰ ফোন কৰিছে। এই ব্যক্তিজনে প্ৰতিবাৰেই আৰক্ষীক দুৰ্ব্যৱহাৰ কৰিছে। এই ঘটনাটো জাপানৰ এখন চহৰত সংঘটিত হৈছে। এই অভিযুক্তজনৰ বয়স ৬৭ বছৰ আৰু তেওঁ নিকটতম আৰক্ষী থানালৈ বাৰে বাৰে ফোন কৰি আৰক্ষীক দুৰ্ব্যৱহাৰ কৰি আছিল।

মানুহজনে বিগত ৯ দিনত আৰক্ষীক ২০০০ বাৰতকৈ অধিক ফোন কৰি আৰক্ষীক গালি-গালাজ পাৰি আহিছিল। আৰক্ষীৰ দলটোৱে তেওঁক ফোন কৰাৰ কাৰণ সোধাত মানুহজ'নে কেৱল সকলো আৰক্ষীক চাকৰিৰ পৰা বৰ্খাস্ত কৰা আৰু সকলোকে শাস্তি দিব বুলি কৈ আহিছিল, কিন্তু কাৰণটো উল্লেখ কৰা নাছিল। অৱশেষত এদিন আৰক্ষীৰ এটা দলে তেওঁৰ অৱস্থান বিচাৰি উলিয়াই গ্ৰেপ্তাৰ কৰিবলৈ সক্ষম হয়।