টাৱাং সন্দৰ্ভত প্ৰতিৰক্ষা মন্ত্ৰী ৰাজনাথ সিঙৰ বিবৃতি প্ৰকাশ

গুৱাহাটী,১৩ ডিচেম্বৰ:প্ৰতিৰক্ষা মন্ত্ৰী ৰাজনাথ সিঙে অৰুণাচল প্ৰদেশত ৯ ডিচেম্বৰৰ টাৱাং সংঘৰ্ষৰ সন্দৰ্ভত লোকসভাত এক বিবৃতি দিয়ে । "আমাৰ সৈন্যসকলে বীৰত্ব দেখুৱাইছিল আৰু শত্ৰুসকলক ঘূৰি যাবলৈ বাধ্য কৰাইছিল ।" তেওঁ কয় যে এই ঘটনাত আমাৰ সৈনিকসকলৰ কোনো ধৰণৰ ক্ষতি হোৱা নাই । কোনো গুৰুতৰভাৱে আঘাতপ্ৰাপ্ত হোৱা নাই বা শ্বহীদ হোৱা নাই । এই ঘটনাৰ পিছত অঞ্চলটোৰ স্থানীয় কমাণ্ডাৰে ১১ ডিচেম্বৰত এখন পতাকা সভা অনুষ্ঠিত কৰে আৰু চীনা সেনাক সতৰ্ক কৰি দিয়ে ।

তেওঁ কয়, "মই সদনক আশ্বাস দিব বিচাৰোঁ যে আমাৰ বাহিনী আমাৰ সীমান্ত সুৰক্ষিত কৰিবলৈ প্ৰতিশ্ৰুতিবদ্ধ আৰু ইয়াক প্ৰত্যাহ্বান জনোৱাৰ বাবে কৰা যিকোনো প্রচেষ্টা বিফল কৰিবলৈ সাজু । এই মুখামুখী যুঁজত দুয়োপক্ষৰে কিছু সৈনিক আঘাতপ্ৰাপ্ত হৈছে। মই এই সদনক ক'ব বিচাৰোঁ যে আমাৰ কোনো সৈনিকৰ মৃত্যু হোৱা নাই বা গুৰুতৰভাৱে আঘাতপ্ৰাপ্ত হোৱা নাই ৷ ভাৰতীয় সামৰিক কমাণ্ডাৰসকলে সময়মতে লোৱা হস্তক্ষেপৰ বাবে পিএলএ সৈন্যসকল তেওঁলোকৰ অৱস্থানৰ পৰা পিছুৱাই যাবলৈ বাধ্য হৈছিল । আমাৰ সৈনিকসকল ভৌগোলিক অখণ্ডতা সুৰক্ষিত কৰিবলৈ আৰু ইয়াৰ বিৰুদ্ধে যিকোনো প্ৰচেষ্টা প্রতিহত কৰিবলৈ সাজু ।"