অসমৰ সীমা সমস্যাক সদনত উত্থাপন কৰিব নিদিয়াৰ বাবে সদন ত্যাগ কৰে কংগ্ৰেছে

গুৱাহাটী,২০ ডিচেম্বৰ:বিৰোধীৰ তীব্ৰ হুলস্থুল আৰু বাদানুবাদৰ মাজেৰে মঙলবাৰৰ পৰা আৰম্ভ হৈছে অসম বিধানসভাৰ শীতকালীন অধিবেশন । পঞ্চদশ অসম বিধানসভাৰ ২০২২ বৰ্ষৰ শীতকালীন অধিবেশনৰ প্ৰথম দিনটোতে বিভিন্ন দাবীৰে বিৰোধী দল তথা বিধায়কসকলে উত্তপ্ত কৰি তোলে বিধানসভাৰ মজিয়া । উল্লেখ্য, পাঁচদিনীয়া কাৰ্যসূৰ্যচীৰে আজিৰে আৰম্ভ হৈছে এই শীতকালীন অধিবেশন । 

উল্লেখ্য, চৰকাৰৰ উচ্ছেদৰ বিৰুদ্ধে এ আই ইউ ডি এফে সদন ত্যাগ কৰাৰ পিছতে কংগ্ৰেছৰ বিধায়কসকলেও অসমৰ সীমা সমস্যাক সদনত উত্থাপন কৰিব নিদিয়াৰ বাবে সদন ত্যাগ কৰে । যাৰ ফলত বিধানসভাৰ শীতকালীন অধিবেশনৰ মঙলবাৰে প্ৰথমদিনাই উত্তপ্ত পৰিস্থিতিৰ সৃষ্টি হয় ।