গুৱাহাটীত ৰাজ্য চৰকাৰৰ 'বিকাশৰ বাবে এটা দিন' কাৰ্যসূচী

গুৱাহাটী,৫ জানুৱাৰী:গুৱাহাটীত ৰাজ্য চৰকাৰৰ 'বিকাশৰ বাবে এটা দিন' কাৰ্যসূচী । মুঠ ১৭৩৩ কোটিৰ প্ৰকল্পৰ আধাৰশিলা তথা ভূমি পূজন মুখ্যমন্ত্ৰীৰ । নতুন ৰাজভৱন, গুৱাহাটী আৰক্ষী ছাউনি, কামৰূপ মহানগৰ জিলাৰ উপায়ুক্ত কাৰ্যালয় আদিকে ধৰি কেইবাটাও প্ৰকল্পৰ আধাৰশিলা স্থাপন।

এই কাৰ্যসূচীৰ অংশ হিচাপে প্ৰথমে পুৱা খাৰঘুলিত মুখ্যমন্ত্ৰী হিমন্ত বিশ্ব শৰ্মাই নতুন ৰাজভৱনৰ নিৰ্মাণৰ আধাৰশিলা স্থাপন কৰে । গুৱাহাটী মহানগৰীৰ আন্তঃগাঁথনি উন্নয়নৰ প্ৰকল্প হিচাপে আজি মুখ্যমন্ত্ৰীয়ে পাঞ্জাবাৰীস্থিত শ্ৰীমন্ত শংকৰদেৱ কলাক্ষেত্ৰ চৌহদত এটি প্রেক্ষাগৃহ নিৰ্মাণৰ আধাৰশিলা স্থাপন কৰে মুখ্যমন্ত্ৰীয়ে। ৮০০ আসনযুক্ত এই প্রেক্ষাগৃহটো ৪৪.২৬ কোটি টকা ব্যসাপেক্ষে নির্মাণ কৰা হ'ব । আনহাতে, গুৱাহাটী মহানগৰৰ ৰূপনগৰত কামৰূপ মহানগৰ জিলাৰ সংহত উপায়ুক্ত কাৰ্যালয় নিৰ্মাণৰ ভূমি পূজন কৰে মুখ্যমন্ত্ৰীয়ে । 

৫৮ কোটি টকা নিৰ্মাণ ব্যয় নিৰ্ধাৰণ কৰা উক্ত ভৱনটোত উপায়ুক্ত কাৰ্যালয়ৰ অধীনৰ সকলো বিভাগ থাকিব । একেদৰে খানাপাৰাত আৰক্ষী আয়ুক্ত কাৰ্যালয়ৰ লগতে ৫০০০ আসন বিশিষ্ট এটি আন্তৰাষ্ট্ৰীয় মানদণ্ডৰ প্ৰেক্ষাগৃহ নিৰ্মাণৰো আধাৰশিলা তথা ভূমি পূজন কৰে মুখ্যমন্ত্ৰী ডঃ হিমন্ত বিশ্ব শৰ্মাই । লগতে গুৱাহাটী মহানগৰীত দুটা টাৱাৰ নিৰ্মাণৰ পৰিকল্পনাৰ কথাও প্ৰকাশ কৰে ৷ উক্ত টাৱাৰ দুটাত অসমৰ চৰকাৰৰ অন্তৰ্গত ৫৬ টা সঞ্চালকালয় একেলগে স্থাপনৰ পৰিকল্পনাৰ কথাও ব্যক্ত কৰে।