প্ৰথমবাৰৰ বাবে টেষ্ট দলত স্থান পোৱাৰ পিছত ঈশান কিষাণে প্ৰকাশ কৰিলে কিছু আৱেগিক কথা

গুৱাহাটী, ১৮ জানুৱাৰীঃ অষ্ট্ৰেলিয়াৰ বিৰুদ্ধে প্ৰথম দুখন খেলৰ বাবে প্ৰথমবাৰৰ বাবে টেষ্ট দলত অন্তৰ্ভুক্ত হোৱা যুৱ উইকেট-কীপাৰ বেটছমেন ঈশান কিষাণে তেওঁৰ দেউতাকৰ টেষ্ট দলত যোগদানৰ খবৰ শুনি প্ৰতিক্ৰিয়া ব্যক্ত কৰা সেই মুহূৰ্তবোৰ মনত পেলায়। তেওঁৰ প্ৰথম টেষ্ট বাছনি আৰু শুভমান গিলৰ সৈতে বাৰ্তালাপত টেষ্ট মেচ খেলাৰ উত্তেজনাৰ বিষয় সন্দৰ্ভত ঈশানে প্ৰকাশ কৰিছে যে, "যেতিয়া মই টেষ্ট দলত বাছনিৰ খবৰ লাভ কৰো, তেতিয়া মোৰ দেউতাই উৎসাহিত হৈছিল আৰু কৈছিল যে, প্ৰকৃত প্ৰত্যাহ্বানটো পৰীক্ষা এতিয়াহে আহিব। তুমি এনেদৰে কঠোৰ পৰিশ্ৰম কৰি যাব লাগিব।"

ইপিনে, ভাৰতীয় ক্ৰিকেট নিয়ন্ত্ৰণ ব'ৰ্ডে টুইটাৰত পোষ্ট কৰা এটা ভিডিঅ'ত ঈশান কিষাণে প্ৰকাশ কৰিছে যে, "মই অত্যন্ত সুখী। যেতিয়াই মই বগা বলৰ ক্ৰিকেটত ভাল প্ৰদৰ্শন কৰি আছিলো, মোৰ দেউতাই কৈছিল যে টেষ্ট ক্ৰিকেট হৈছে প্ৰকৃত প্ৰত্যাহ্বান। ই বেটছমেনসকলৰ দক্ষতা পৰীক্ষা কৰে আৰু টেষ্ট ক্ৰিকেট খেলাটো এটা ডাঙৰ কথা।" 

ঈশান আৰু কৈছে যে, "টেষ্ট দলত স্থান লাভ কৰি মই অত্যন্ত সুখী, কিয়নো মানুহে ইয়াক প্ৰকৃত খেল হিচাপে চায়। মই ভাল খেলৰ প্ৰদৰ্শন কৰিবলৈ কঠোৰ পৰিশ্ৰম কৰিম। মই ঘৰলৈ ফোন কৰিছো আৰু পৰিয়ালৰ লোকক অৱগত কৰিছো। মোৰ দেউতা বহুত আনন্দিত হৈ পৰিছিল আৰু মোক এনেদৰে কঠোৰ পৰিশ্ৰম কৰিবলৈ কৈছিল।"