খাদ্য বিতৰণ এপক বিহা হ'ল ৫ বিলিয়ন টকাৰ জৰিমনা

গুৱাহাটী, ২৭ জানুৱাৰীঃ শ্ৰমিক আইন অমান্য কৰাৰ বাবে স্পেইনৰ শ্ৰম মন্ত্ৰালয়ে এপ-আধাৰিত খাদ্য বিতৰণ ষ্টাৰ্টআপ গ্লোভোক ৫৭ নিযুত ইউৰো (ভাৰতীয় হিচাপত ৫,০৭,১২,৯৬,৩৬১.৭৭ টকা) জৰিমনা বিহা হৈছে। জাৰ্মান কোম্পানী ডেলিভাৰী হিৰোৰ মালিকানাধীন গ্লোভোক ২০২১ চনৰ আইন অনুসৰি চালকসকলক সঠিক নিযুক্তি পত্ৰ প্ৰদান নকৰাৰ বাবে আৰু কামৰ অনুজ্ঞাপত্ৰ অবিহনে প্ৰায় ৮০০ নথিভুক্ত নথকা অনুপ্ৰৱেশকাৰীক নিয়োগ কৰাৰ বাবে জৰিমনা বিহা হৈছে। ২০২১ চনৰ আগষ্টত কাৰ্যকৰী হোৱা ৰাইডাৰ আইনত কোৱা হৈছে যে সাধাৰণতে চাইকেল আৰু মটৰচাইকেলত খাদ্য কঢ়িয়াই অনা লোকসকলক কৰ্মচাৰী হিচাপে স্বীকৃতি দিব লাগে। ই হৈছে ইউৰোপীয় আইনৰ এক গুৰুত্বপূৰ্ণ উপাদান, বিশেষকৈ মটৰচাইকেল আৰু চাইকেলত ভ্ৰমণ কৰা ডেলিভাৰী কৰ্মীসকলৰ স্থিতি নিয়ন্ত্ৰণ কৰা, যাৰ সংখ্যা শেহতীয়াকৈ বিপদজনক কামৰ পৰিস্থিতি স্বত্বেও বৃদ্ধি পাইছে।

শ্ৰম মন্ত্ৰী ইয়োলাণ্ডা ডিয়াজে এই সন্দৰ্ভত কৈছে যে, "যিমানেই ডাঙৰ বা সৰু নহওঁক কিয় কোনোধৰণৰ কোম্পানীয়ে আইনৰ বাহিৰত যাব নালাগে।"

ইপিনে, গ্লোভো কোম্পানীটোৱে সঁহাৰি দি কৈছে যে, "আমি শেহতীয়া জৰিমনাৰ বিৰুদ্ধে আপীল কৰিম। আমাৰ দাবী, শ্ৰম মন্ত্ৰালয়ে উল্লেখ কৰা উলংঘনবোৰ ৰাইডাৰ আইন কাৰ্যকৰী হোৱাৰ আগতে সংঘটিত হৈছে।"