১২ খন বিশ্ববিদ্যালয়ৰ ৱেবচাইট হেক কৰিলে চীনা হেকাৰে

গুৱাহাটী, ২৭ জানুৱাৰীঃ দক্ষিণ কোৰিয়াৰ বহুতো শিক্ষানুষ্ঠানৰ ৱেবছাইট চীনা হেকাৰে হেক কৰিছে। দক্ষিণ কোৰিয়াৰ ইণ্টাৰনেট চিকিউৰিটি ৱাচডগই শেহতীয়াকৈ জানিব দিয়া অনুসৰি, চীনা হেকাৰৰ এটা দলে দক্ষিণ কোৰিয়াৰ ১২ খন শিক্ষানুষ্ঠানত চাইবাৰ আক্ৰমণ কৰিছে। কোৰিয়া ইণ্টাৰনেট এণ্ড চিকিউৰিটি এজেঞ্চিয়ে আৰু এই সন্দৰ্ভত কৈছে যে চীনা হেকাৰসকলে দেওবাৰে ১২ খন শিক্ষানুষ্ঠানৰ ৱেবছাইট হেক কৰিছে।

ইয়াত কোৰিয়া ৰাষ্ট্ৰীয় শিক্ষা বিশ্ববিদ্যালয় আৰু জেজু বিশ্ববিদ্যালয় অন্তৰ্ভুক্ত হৈ আছে। কোৰিয়াৰ ৰিচাৰ্চ ইনষ্টিটিউট ফৰ কনষ্ট্ৰাকচন পলিচীকে ধৰি ১২ টা ৱেবছাইটৰ বেছিভাগ এতিয়াও প্ৰৱেশাধিকাৰৰ বাবে উপলব্ধ নহয়। চীনা হেকাৰৰ এটা দলে কিছাকে ধৰি দক্ষিণ কোৰিয়াৰ কেইবাটাও সংস্থাৰ বিৰুদ্ধে চাইবাৰ আক্ৰমণৰ সতৰ্কবাণী দিছে। 

এইটো সকাহৰ বিষয় যে চীনা হেকাৰৰ চাইবাৰ আক্ৰমণত ইণ্টাৰনেট ৱাচডগৰ ছাইট প্ৰভাৱিত হোৱা নাই। নিজকে চাইবাৰ সুৰক্ষা দল হিচাপে পৰিচয় দিয়া চীনা হেকাৰৰ এটা গোটে দাবী কৰিছে যে, তেওঁলোকে শনিবাৰৰ পৰা মঙলবাৰৰ ভিতৰত চলি থকা প্ৰায় ৭০ খন দক্ষিণ কোৰিয়াৰ শিক্ষা প্ৰতিষ্ঠানৰ কম্পিউটাৰ নেটৱৰ্ক হেক কৰিছে।

লগতে, চীনা হেকাৰে দক্ষিণ কোৰিয়াৰ চৰকাৰ আৰু ৰাজহুৱা প্ৰতিষ্ঠানসমূহৰ পৰা চুৰি হোৱা ৫৪ গিগাবাইট তথ্য প্ৰকাশ কৰিব বুলি ভাবুকি দিছে। ইফালে, বিজ্ঞান আৰু আইচিটি মন্ত্ৰালয়ে চৰকাৰী সংস্থা আৰু লোকসকলক চাইবাৰ আক্ৰমণৰ বৰ্ধিত ভাবুকিৰ প্ৰতি সতৰ্ক হ'বলৈ কৈছে।

ইপিনে, চাইবাৰ আক্ৰমণৰ ভাবুকিৰ প্ৰতি লক্ষ্য ৰাখি বিজ্ঞান মন্ত্ৰী লী জং-হোৱে মঙলবাৰে দক্ষিণ কোৰিয়া ইণ্টাৰনেট সুৰক্ষা কেন্দ্ৰ পৰিদৰ্শন কৰে। এই সময়ছোৱাত তেওঁ সাম্ভাব্য চাইবাৰ আক্ৰমণৰ বিৰুদ্ধে নিৰাপত্তা পৰিস্থিতি পৰীক্ষা কৰে।