নিয়োগকৰ্তাৰ সৈতে মতানৈক্য হৈ কাৰ্যালয়ত পঁইতাচোৰা এৰি দিলে কৰ্মচাৰীয়ে

গুৱাহাটী, ২৭ জানুৱাৰীঃ সমগ্র পৃথিৱীত এনে বহুতো কোম্পানীৰ মালিক বা নিয়োগকৰ্তা আছে যিয়ে তেওঁলোকৰ কৰ্মচাৰীসকলৰ সৈতে কেনেদৰে আচৰণ কৰিব লাগে ভালদৰে বুজি নাপায়। যেতিয়া কৰ্মচাৰী এজনে তেওঁৰ নিয়োগকৰ্তাৰ সৈতে অতিষ্ঠ হৈ পৰে, তেতিয়া কৰ্মচাৰীয়ে উচিত পদক্ষেপ ল'বলৈ বাধ্য হয়। ঠিক তেনেদৰে, শেহতীয়াকৈ ব্ৰিটেইনত এনে এক ঘটনা সংঘটিত হৈছ য'ত এজন কৰ্মচাৰীৰ নিয়োগকৰ্তাৰ সৈতে ছুটিৰ বাবে মতানৈক্যত লিপ্ত হয়। ইয়াৰ পিছত কৰ্মচাৰীজনে ইংলেণ্ডৰ লিংকনৰ এখন পাবৰ পাকঘৰত ২০ টা পঁইতাচোৰা এৰি দিয়ে, যাৰ বাবে এজন ৰান্ধনীক ১৭ মাহৰ কাৰাবাসৰ শাস্তি দিয়া হয়। 

উইলিয়ামছ নামৰ লোকজনে লিংকনশ্বায়াৰৰ ব্ৰেফৰ্ড পুলৰ কাউণ্টি চহৰৰ ৰয়েল উইলিয়াম ফোৰ্থ বাৰৰ পাকঘৰত কাম কৰে, কিন্তু তেওঁৰ নিয়োগকৰ্তাৰ সৈতে কাজিয়া লগাৰ পিছত, ২০ টা পঁইতাচোৰা আনি কাৰ্যালয়ৰ ভিতৰত এৰি দিয়ে। ছুটিৰ দৰমহাক লৈ হোৱা বিবাদৰ পিছত ঘটনাটো বিগত বৰ্ষৰ ১১ অক্টোবৰত সংঘটিত হৈছে। লিংকন ক্ৰাউন ক'ৰ্টত উপস্থাপন কৰা প্ৰমাণ অনুসৰি ২৫ বছৰীয়া যুৱকজনৰ বিৰুদ্ধে বাৰখনৰ পাকঘৰত পঁইতাচোৰা এৰি ভাবুকি দিয়াৰ অভিযোগ উত্থাপিত হৈছে।