হেণ্ড পাম্প নহয়, আন এবিধ বস্তুৰে পাকিস্তানক ভয় খুৱাবলৈ আহি আছে তাৰা সিং

গুৱাহাটী, ২৮ জানুৱাৰীঃ ছানী দেউলৰ বহু প্ৰতীক্ষিত ছবি গাদাৰ ২ ৰ মুক্তিৰ আগতেই অনুৰাগীসকলৰ উত্তেজনা যথেষ্ট বৃদ্ধি পাইছে। এই চিনেমাখনত, সংলাপৰ পৰা চৰিত্ৰলৈকে সকলোবোৰে অনুৰাগীৰ হৃদয় জয় কৰিছে। আনকি এই চিনেমাখনৰ কিছুমান দৃশ্য এনেকুৱা আছিল যে মানুহে আজিও সংলাপ কয়। ঠিক তেনে এটা দৃশ্য আছিল তাৰা সিং অৰ্থাৎ ছানী দেউলে হেণ্ড পাম্প উভালি পেলোৱা। কিন্তু এতিয়া 'গাদাৰ ২' বোলছবিখনত ছানী দেওলে পাকিস্তানক আন এবিধ বস্তুৰে ভয় খুৱাবলৈ আহি আছে। 

শেহতীয়াকৈ, তাৰা সিং ছানী দেউলৰ ছবি 'গাদাৰ ২' ৰ আন এখন পোষ্টাৰ মুকলি হৈছে। য'ত, ছানী দেউলক যথেষ্ট খঙাল ৰূপত দেখা গৈছে আৰু তেওঁৰ হাতত এটা ডাঙৰ হাতুৰী লৈ আছে। ছানী দেওলে এই পোষ্টাৰখন শ্বেয়াৰ কৰাৰ লগে লগে ছ'চিয়েল মিডিয়াত ভাইৰেল হৈ পৰিছে। সকলোৱে ছানী দেউলৰ চেহেৰা আৰু পোষ্টাৰৰ প্ৰশংসা কৰিছে।

ফটোখন ইনষ্টাগ্ৰামত শ্বেয়াৰ কৰি, ছানী দেউলে কেপশ্বন লিখিছে যে, 'হিন্দুস্তান জিন্দাবাদ হে, জিন্দাবাদ থা অৰ জিন্দাবাদ ৰাহেগা।"