জি পি সিং হ'ব ৰাজ্যৰ পৰৱৰ্তী আৰক্ষী সঞ্চালকপ্ৰধান:মুখ্যমন্ত্ৰীৰ ঘোষণা

গুৱাহাটী, ২৮ জানুৱাৰীঃজি পি সিং হ'ব ৰাজ্যৰ পৰৱৰ্তী আৰক্ষী সঞ্চালক প্ৰধান।আজি কলাক্ষেত্ৰত এই কথা ৰাজহুৱাকৈ ঘোষণা কৰিলে মুখ্যমন্ত্ৰী হিমন্ত বিশ্ব শৰ্মাই।অহা ৩১ জানুৱাৰীত অৱসৰ লব বৰ্তমানৰ আৰক্ষী সঞ্চালক প্ৰধান ভাস্কৰ জ্যোতি মহন্তই।

প্ৰণিধানযোগ্য যে,কেইবাটাও নাম পৰৱৰ্তী আৰক্ষী সঞ্চালকপ্ৰধানৰ বাবে উত্থাপন হৈছিল যদিও চৰ্চাৰ শীৰ্ষত আছিল জি পি সিঙৰ নাম৷১৯৯১ চনৰ আই পি এছ বিষয়া জি পি সিঙক অসমত কা- বিৰোধী আন্দোলন তীব্ৰতৰ হৈ থকাৰ সময়ত দিল্লীস্থিত নিয়াৰ পৰা ঘূৰাই অনা হৈছিল৷

অসম-মেঘালয় কেডাৰৰ আই পি এছ বিষয়াজনে ডেপুটেশ্যনত নিয়াত আছিল৷তেওঁক ঘূৰাই অনাৰ পাছত ৰাজ্যত তীব্ৰতৰ ৰূপ ধাৰণ কৰা কা-বিৰোধী আন্দোলন নিয়ন্ত্ৰণলৈ আনিবলৈ সক্ষম হৈছিল৷ আনহাতে ৰাজ্যৰ আইন-শৃংখলাজনিত সমস্যা তৎপৰতাৰে নিয়ন্ত্ৰণ কৰাতো দক্ষ বুলি জনাজাত জি পি সিং৷