নলবাৰীৰ তপোবন চৌহদত কিশোৰ কিশোৰীৰ বাল্য বিবাহ, মানসিক স্বাস্থ্য শীৰ্ষক কৰ্মশালা 

নলবাৰী,  ২৮ জানুৱাৰী: নলবাৰী জিলাৰ বৰবৰীস্থ তপোবন চৌহদত কিশোৰ কিশোৰী সৱলীকৰনৰ পৰামৰ্শ প্ৰদানৰ কৌশল সম্পৰ্কীয় এখন গুৰুত্বপূৰ্ণ কৰ্মশালা আজি অনুষ্ঠিত হয়। গ্ৰাম্য বিকাশ মঞ্চৰ উদ্যোগত কিশোৰ কিশোৰী সৱলীকৰন প্ৰকল্পৰ অধীনত অনুষ্ঠিত কৰ্মশালাত চাৰিখন জিলাৰ কিশোৰ কিশোৰী, আৰু অভিভাৱক আৰু শৈশৱ বিদ্যাপীঠৰ শৈক্ষিক সমন্বয়ক সকল উপস্থিত থাকে।

উল্লেখ্য যে নলবাৰী, বৰপেটা,কামৰূপ আৰু জিলাৰ কুৰি গৰাকী কিশোৰী, অভিভাৱক আৰু শৈশৱ বিদ্যাপীঠৰ শৈক্ষিক সমন্বয়ক সকলৰ মাজত " "মানসিক স্বাস্থ্য অক্ষুণ্ণ ৰখা, বাল্য বিবাহ প্ৰতিৰোধ, সু অভিভাৱকত্ব অটুত ৰখাৰ ক্ষেত্ৰত বিজ্ঞানসন্মত প্ৰদানৰ ভূমিকা আৰু কৌশল" শীৰ্ষক বিষয়ৰ ওপৰত প্ৰশিক্ষণ দিয়া হয়। উল্লেখ্য যে কিশোৰ কিশোৰী সৱলীকৰনৰ পৰামৰ্শ প্ৰদানৰ কৌশল সম্পৰ্কীয় গুৰুত্বপূৰ্ণ কৰ্মশালাখনত ৰাতিপুৱা গ্ৰাম্য বিকাশ মঞ্চৰ স্বেচ্ছাসেবিকা জয়শ্ৰী সুত্ৰধাৰে আদৰনি আৰু গুদ্দু হুচেইনে উদ্যেশ্য বাখ্যা কৰা কৰ্মশালাত সমল ব্যাক্তি হিচাপে উপস্থিত থাকে টাটা ইনষ্টিটিউট অৱ ছোচিয়েল চাইঞ্চ,গুৱাহাটী চৌহদৰ কাউঞ্চিলিং বিভাগৰ অধ্যাপিকা মেঘালী সেনাপতি।

অধ্যাপিকা গৰাকীয়ে কৰ্মশালাত বাল্য বিবাহ, মানসিক স্বাস্থ্য আৰু অন্ধবিশ্বাসৰ বিভিন্ন কাৰন আৰু ইয়াৰ প্ৰতিৰোধৰ বিভিন্ন উপায় সমূহ প্ৰশিক্ষনত অৱগত কৰে।তদুপৰি সাম্প্ৰতিক সময়ত মোৱাইলৰ উচিত ব্যাৱহাৰৰ অভাৱত কিশোৰ কিশোৰী সকল কেনেদৰে বিষথগামী হয় তাৰ উদাহৰন আৰু ইয়াৰ প্ৰতিৰোধৰ বিভিন্ন কৌশল সম্পৰ্কে কিশোৰী আৰু অভিভাৱক সকলক প্ৰশিক্ষণ দিয়ে। কৰ্মশালাত কিশোৰ কিশোৰী সকলৰ বাল্য বিবাহ, অন্ধবিশ্বাসৰ কুফল আৰু মানসিক স্বাস্থ্য অটুট ৰাখিবলৈ অভিভাৱক সকলৰ গুৰুত্বপূৰ্ণ ভূমিকাৰ বিষয়ে অৱগত কৰে।

উল্লেখ্য যে কৰ্মশালাত অধ্যাপিকা গৰাকীয়ে কিশোৰ কিশোৰীৰ সৱলীকৰনৰ সজাগতা আৰু দক্ষতা বৃদ্ধিৰ বাবে বিভিন্ন খেল ধেমালি, তথ্যচিত্ৰ আৰু কাহিনীৰ দ্বাৰা প্ৰশিক্ষণ প্ৰদান কৰে। শৈশৱ বিদ্যাপীঠৰ শৈক্ষিক সমন্বয়ক ইন্দ্ৰ প্ৰধান আৰু পৰী শৰনীয়াৰ উপস্থিতিত অনুষ্ঠিত কৰ্মশালাত অংশগ্ৰহণকাৰী সকলে বিজ্ঞান সন্মত পৰামৰ্শ প্ৰদান কাৰ্যসূচীৰ নেতৃত্বলৈ কিশোৰ কিশোৰীৰ সুৰক্ষিত আৰু বিকশিত ভবিষ্যত নিৰ্মানত গুৰুত্বপূৰ্ণ ভূমিকা লব বুলি আশা কৰা হৈছে।