পুটিনৰ মিছাইল আক্ৰমণৰ ভাবুকি সন্দৰ্ভত প্ৰাক্তন ব্ৰিটিছ প্ৰধানমন্ত্ৰীয়ে প্ৰকাশ কৰিলে বিশেষ কথা

গুৱাহাটী, ৩১ জানুৱাৰীঃ প্ৰাক্তন ব্ৰিটিছ প্ৰধানমন্ত্ৰী বৰিছ জনছনে দাবী কৰিছে যে ৰাছিয়াই ইউক্ৰেইনৰ ওপৰত আক্ৰমণ কৰাৰ আগতে ৰাছিয়াৰ ৰাষ্ট্ৰপতি ভ্লাদিমিৰ পুটিনে তেওঁক ফোনযোগে মিছাইল আক্ৰমণৰ ভাবুকি দিছিল। শেহতীয়াকৈ সম্প্ৰচাৰিত হোৱা এক বিশেষ তথ্যচিত্ৰ 'পুটিন বনাম ৱেষ্ট'ত এই কথোপকথনৰ বিৱৰণ পোহৰলৈ আহিছে। বিশ্বৰ নেতাসকলৰ সৈতে পুটিনৰ কথোপকথন তথ্যচিত্ৰখনত বিশ্লেষণ কৰা হৈছে।জনছনে কৈছে যে, ২০২২ চনৰ ফেব্ৰুৱাৰীত এটা "অতি দীঘলীয়া" আহ্বানৰ সময়ত এই ভাবুকি দিয়া হৈছিল যেতিয়া পুটিনে সতৰ্ক কৰি দিছিল যে এই যুদ্ধ "সম্পূৰ্ণ বিপৰ্যয়" হ'ব। পুটিনে মোক এটা সময়ত ভাবুকি দি কৈছিল, বৰিছ, মই আপোনাক আঘাত কৰিব নিবিচাৰো, কিন্তু মিছাইলৰ দ্বাৰা, আক্ৰমণ কৰিবলৈ মোক মাত্ৰ এক মিনিট বা তাতোকৈ অলপ বেছি সময়ৰ হে প্ৰয়োজন হ'ব।"

ইয়াৰ পিছত ব্ৰিটেইনৰ প্ৰাক্তন প্ৰধানমন্ত্ৰী বৰিছ জনছনে পুটিনক সতৰ্ক কৰি দি কয় যে, "ইউক্ৰেইন আক্ৰমণ কৰিলে পশ্চিমীয়া নিষেধাজ্ঞা আৰু ৰাছিয়াৰ সীমাত উত্তৰ আটলাণ্টিক চুক্তি সংগঠনৰ (নাটো) সৈন্যৰ অতিৰিক্ত নিয়োজিত হ'ব।"