ধনিয়া পাত খোৱাৰ ৫ টা বিশেষ লাভালাভ

গুৱাহাটী, ৩১ জানুৱাৰীঃ শাক-পাচলিত ধনিয়াৰ পাত ব্যৱহাৰ কৰাটো এনে এক পৰম্পৰা, যাৰ অবিহনে তৰকাৰী বা অন্য ব্যঞ্জন অসম্পূৰ্ণ বুলি গণ্য কৰা হয়। ধনিয়াই কেৱল ব্যঞ্জনৰ সোৱাদ বৃদ্ধি কৰায় নহয় বৰঞ্চ ইয়াক দেখাত বিশেষ কৰি তোলে। কিছুমান লোকে ইয়াক পোনপটীয়াকৈ খাবলৈ ভাল পায়, আনহাতে বহুতে চালাডত ধনিয়া পাত মিহলি কৰি খায়।

ই মানৱ শৰীৰৰ বাবেও যথেষ্ট উপকাৰী। কমসংখ্যক লোকেহে জ্ঞাত যে, ধনিয়াৰ ভিতৰত ভিটামিন এ, বি, চি, কে, কেলচিয়াম, ফছফৰাছ, পটাছিয়াম, ছডিয়াম আৰু মেগনেছিয়ামৰ দৰে পুষ্টি পোৱা যায়। এই পুষ্টিবোৰে মানৱ শৰীৰক সুস্থ কৰি ৰাখে আৰু লগতে ৰোগ প্ৰতিৰোধ প্ৰণালী শক্তিশালী কৰে। 

• সেউজীয়া ধনিয়াৰ পাত খোৱাৰ ৫ টা লাভালাভঃ

~ যকৃতৰ ৰোগত উপকাৰী

ধনিয়াক যকৃত সম্পৰ্কীয় সমস্যাৰ বাবে অতি উপকাৰী বুলি গণ্য কৰা হৈছে। ধনিয়া পাতত পৰ্যাপ্ত পৰিমাণৰ ক্ষাৰ আৰু ফ্লেভোনইড থাকে। এই উপাদানবোৰে যকৃতৰ ৰোগ যেনে পিত্ত বিকাৰ আৰু জণ্ডিচ নিৰাময় কৰাত সহায় কৰে।

~ পাচন তন্ত্ৰৰ স্বাস্থ্য বজাই ৰাখে

ধনিয়া খালে কৰি, মানুহৰ পাচন তন্ত্ৰ বিভিন্ন ৰোগৰ পৰা সকাহ পায়। ই পেটক সুস্থ কৰি ৰাখে আৰু লগতে সুস্থ অনুভৱ কৰায়। 

~ শৰীৰৰ ৰোগ প্ৰতিৰোধ শক্তি বৃদ্ধি কৰে 

ধনিয়াৰ ভিতৰত এণ্টিঅক্সিডেণ্ট গুণাগুণ থাকে। এইবোৰে মুক্ত ৰেডিকেলৰ দ্বাৰা হোৱা কোষৰ ক্ষতি প্ৰতিহত কৰে। ধনিয়াৰ পাত নিয়মীয়াকৈ খোৱাৰ ফলত শৰীৰৰ ৰোগ প্ৰতিৰোধ শক্তি শক্তিশালী হয়। 

~ হৃদৰোগ প্ৰতিৰোধ কৰে

ধনিয়াৰ পাত খালে প্ৰস্ৰাৱৰ জৰিয়তে শৰীৰৰ পৰা অপ্ৰয়োজনীয় অতিৰিক্ত ছডিয়াম বাহিৰলৈ ওলাই যায়। যাৰ বাবে শৰীৰটো ভিতৰৰ পৰা সুস্থ হৈ থাকে। ইয়াৰ খোৱাৰ ফলত কলেষ্টেৰল আৰু ৰক্তচাপ নিয়ন্ত্ৰণ কৰাত সহায় কৰে। 

~ ৰক্ত শৰ্কৰাৰ স্তৰ হ্ৰাস কৰে

খাদ্যত ধনিয়াৰ পাত দি খোৱাৰ ফলত এনজাইম সক্ৰিয় হৈ থাকে, যি শৰীৰত ৰক্ত শৰ্কৰা নিয়ন্ত্ৰণ কৰাত সহায় কৰে। ইয়াৰ ফলত, শৰীৰত ডায়েবেটিছ নিয়ন্ত্ৰণত থাকে আৰু ব্যক্তিজনে সুস্থ অনুভৱ কৰে।

বিঃদ্রঃ- এই নিবন্ধটোৰ তথ্যখিনি বিভিন্ন উৎসৰ পৰা সংগৃহীত আৰু প্ৰাথমিক জ্ঞান হিচাপে পঢ়ুৱৈলৈ আগবঢ়োৱা হৈছে। বিশদভাৱে জানিবলৈ বিশেষজ্ঞৰ পৰামৰ্শ ল'ব।