৩৪ বছৰ পূৰ্বে সংঘটিত হোৱা এক ঘটনাৰ বাবে ক্ষমা বিচাৰিলে ব্ৰিটেইন আৰক্ষীয়ে

গুৱাহাটী, ২ ফেব্ৰুৱাৰীঃ শেহতীয়াকৈ ব্ৰিটেইনৰ শীৰ্ষ আৰক্ষী বিষয়াসকলে স্বীকাৰ কৰিছে যে, ১৯৮৯ চনৰ হিলচব্ৰো দুৰ্ঘটনাৰ মুখ্য কাৰণ আৰক্ষীৰ বিফলতাৰ বাবে হৈছে, য'ত লিভাৰপুল এফ চিৰ ৯৭ জন অনুৰাগী নিহত হ'বলগীয়া হয়। বিশেষ প্ৰতিবেদন অনুসৰি এক ঐতিহাসিক যুটীয়া বিবৃতিত আৰক্ষী মহাবিদ্যালয় আৰু ৰাষ্ট্ৰীয় আৰক্ষী প্ৰধান পৰিষদৰ (এনপিচিচি) নেতাসকলে হিলচব্ৰোৰ পৰিয়ালৰ ওচৰত ক্ষমা বিচাৰিছে।হিলচব্ৰোৰ পৰিয়াল প্ৰতিবেদনৰ মন্তব্যত, আৰক্ষী কলেজৰ মুখ্য কাৰ্যবাহী বিষয়া মুখ্য কনিষ্টবল এণ্ডি মাৰ্শ আৰু এনপিচিচিৰ অধ্যক্ষ মাৰ্টিন হেউইটে কৈছে যে ৯৭ জন পুৰুষ, মহিলা আৰু শিশুক বেআইনীভাৱে হত্যা কৰা হৈছে। আৰক্ষীৰ বিফলতাই এই দুৰ্ঘটনাটোৰ মুখ্য কাৰণ আছিল আৰু আৰক্ষীৰ বিফলতাই তেতিয়াৰ পৰাই পৰিয়ালৰ সদস্যসকলৰ জীৱন কলুষিত কৰি আহিছে।

১৯৮৯ চনত লিভাৰপুল আৰু নটিংহাম ফৰেষ্টৰ মাজত অনুষ্ঠিত এফ এ কাপৰ ছেমি ফাইনেলত ৯৭ জন দৰ্শকৰ মৃত্যু হয় আৰু প্ৰায় ৮০০ জন আহত হয়। শ্বেফিল্ডৰ হিলচব্ৰো ষ্টেডিয়ামত খেলখন মাত্ৰ কেইমিনিটমানৰ পিছতে বন্ধ হৈ পৰে। লগতে, দুৰ্ঘটনাটোৰ পিছৰে পৰা, লিভাৰপুল এফ চিৰ সমৰ্থিত অনুৰাগীসকলে ন্যায়ৰ বাবে যুঁজ দি আছে।