শুক্ৰবাৰৰ পৰা ৰাজ্যত বাল্য বিবাহৰ গোচৰৰ ওপৰত লোৱা হ'ব ব্যৱস্থা: মুখ্যমন্ত্ৰী ড° শৰ্মা

গুৱাহাটী, ২ ফেব্ৰুৱাৰীঃ ৰাজ্যৰ মুখ্যমন্ত্ৰী হিমন্ত বিশ্ব শৰ্মাই বৃহস্পতিবাৰে টুইটাৰযোগে সদৰি কৰি কয় যে, "ৰাজ্যত বাল্য বিবাহে কঢ়িয়াই অনা বিপদৰ সমাপ্ত কৰাৰ সংকল্পত চৰকাৰ দৃঢ়। ৰাজ্যৰ জনসাধাৰণক এই বিষয়ত সহযোগিতা আগবঢ়াবলৈ আহ্বান জনালো। ইয়াৰ লগতে শুক্ৰবাৰৰ (৩ ফেব্ৰুৱাৰী ২০২৩) পৰা ৰাজ্যজুৰি পঞ্জীভুক্ত হৈ থকা ৪,০০৪ টা গোচৰৰ ওপৰত ব্যৱস্থা লোৱা হ'ব। 

মুখ্যমন্ত্ৰী ড° শৰ্মাই ভাগ বতৰা কৰা তথ্য অনুসৰি, বেছিভাগ বাল্য বিবাহৰ গোচৰ ধুবুৰী জিলাত (৩৭০) আৰু আটাইতকৈ কম হাইলাকান্দিত (১) পঞ্জীয়ন কৰা হৈছে। ইয়াৰ লগতে, বঙাইগাঁৱত মুঠ ১২৩ টা, কাছাৰত ৩৫ টা, দৰঙত ১২৫ টা, ডিব্ৰুগড়ত ৭৫ টা, গোৱালপাৰাত ১৫৭ টা, হোজাইত ২৫৫ টা, কামৰূপত ৮০ টা, কোকৰাঝাৰত ২০৪ টা, নগাঁৱত ১১৩ টা, মৰিগাঁৱত ২২৪ টা আৰু তামিলপুৰত ১১০ টা গোচৰ ৰুজু কৰা হৈছে।