আমিৰৰ চিনেমাৰ অভিলেখ ভংগ কৰাৰ দিশে শ্বাহৰুখৰ পাঠান, ১০০০ কোটিৰ পৰা মাথো কিছু দূৰত

গুৱাহাটী, ৪ ফেব্ৰুৱাৰীঃ শ্বাহৰুখ খান, দীপিকা পাডুকন, জন আব্ৰাহাম, ডিম্পল কাপাডিয়া আৰু আশুতোষ ৰাণা অভিনীত ছবি 'পাঠান' ২৫ জানুৱাৰী, ২০২৩ ত মুক্তি লাভ কৰিছে। পাঠানৰ উন্মাদনা এতিয়াও হ্ৰাস পোৱা নাই আৰু চিনেমাখনে বক্স অফিচত এক অভিলেখ গঢ়িবলৈ গৈ আছে। বক্স অফিচত কেইবাটাও অভিলেখ ভংগ কৰি ব্লকবাষ্টাৰ ছবিখন এতিয়া ১,০০০ কোটি টকাৰ দিশে। কেৱল এয়াই নহয়, শ্বাহৰুখ খানৰ এই ছবিখনে আমিৰ খানৰ ছবিখনৰ অভিলেখ ভংগ কৰিছে! শেহতীয়া তথ্য অনুসৰি, মুক্তিৰ মাত্ৰ এসপ্তাহ পিছত, 'পাঠান'য়ে ভাৰতত ৩০০ কোটি টকাৰ সীমা অতিক্ৰম কৰিছে আৰু যি বৰ্তমান আমিৰ খানৰ ছবি 'দঙ্গল'ৰ সীমা অতিক্ৰম কৰাৰ দিশে গৈ আছে আৰু সহজে ৩৮৭.৩৮ কোটিৰ অভিলেখও ভংগ কৰিব। এয়া হৈছে পাঠানৰ ভাৰতৰ বক্স অফিচ সংগ্ৰহ। 

পাঠান মুক্তিৰ ৮ দিনৰ পিছত বিশ্বজুৰি ৭০০ কোটি টকা উপাৰ্জন কৰিছে আৰু এতিয়া, ছবিখনে ১০০০ কোটি টকা অতিক্ৰম কৰাৰ পথত দ্ৰুতগতিত আগবাঢ়িছে। কিয়নো, ৩০০ কোটি টকা সামান্য পৰিমাণৰ নহয়, আৰু যদিহে এই ধাৰা অব্যাহত থাকে, তেনেহ'লে ছবিখনে ৩০০ কোটি উপাৰ্জন কৰিব আৰু অতি সোনকালেই ই ১০০০ কোটিৰ সীমা অতিক্ৰম কৰিব।