পুনৰ আমূলে বৃদ্ধি কৰিলে গাখীৰৰ মূল্য

গুৱাহাটী,৩ ফেব্ৰুৱাৰী:পুনৰ আমূলে বৃদ্ধি কৰিলে গাখীৰৰ মূল্য।মাদাৰ ডেইৰীয়ে গাখীৰৰ দাম বৃদ্ধি কৰাৰ পিছত এতিয়া আমূলে গাখীৰৰ দামও বৃদ্ধি কৰিছে।এইবাৰ আমূলে গাখীৰৰ মূল্য প্ৰতি লিটাৰত ৩ টকাকৈ বৃদ্ধি কৰিছে।গুজৰাটৰ দুগ্ধ সমবায় আমুলে আজিৰ পৰা সতেজ গাখীৰত প্ৰতি লিটাৰত ৩ টকালৈকে বৃদ্ধি কৰাৰ কথা ঘোষণা কৰিছে।

৩ ফেব্ৰুৱাৰীৰ পৰা আমুল পাউচ গাখীৰৰ সকলো প্ৰকাৰত মূল্য বৃদ্ধি কৰা হৈছে।এই বৃদ্ধিৰ পিছত আমুল গোল্ডৰ মূল্য প্ৰতি লিটাৰত ৬৩ টকাৰ পৰা ৬৬ টকালৈ বৃদ্ধি পাইছে।একেদৰে ১ লিটাৰ আমূল তাজাৰ বাবে এতিয়া ৫৪ টকা দিব লাগিব।

একে সময়তে আমূলৰ গৰুৰ গাখীৰৰ বাবে ৫৬ লৈ বৃদ্ধি পাইছে।কোম্পানীটোৱে জনোৱা মতে, বৃদ্ধি পোৱা খৰচৰ পৰিপ্ৰেক্ষিতত গাখীৰৰ মূল্য বৃদ্ধি কৰা হৈছে।