নলবাৰী কাৰাগাৰত ঠাইৰ অভাৱঃ ১৮৫ কাৰাবন্দীক গোৱালপাৰা কাৰাগাৰলৈ স্থানান্তৰ 

নলবাৰী, ৫ ফেব্ৰুৱাৰীঃ অৱশেষত নলবাৰী কাৰাগাৰত ঠাইৰ অভাৱ হ’ল৷ বাল্য বিবাহত জড়িত অভিযুক্তক  গ্ৰেপ্তাৰ কৰাৰ পাছতে এই পৰিস্থিতিৰ সৃষ্টি হয়। উল্লেখযোগ্য যে, বিগত তিনিদিন বিভিন্ন প্ৰান্তৰ পৰা বহু সংখ্যক অভিযুক্তক গ্ৰেপ্তাৰৰ পাছত এই পৰিস্থিতিৰ সৃষ্টি হয় । জানিব পৰা মতে মুঠ ১৮৫ গৰাকী অভিযুক্তক  গোৱালপাৰা কাৰাগাৰলৈ প্ৰৰণ কৰে । আৰক্ষীৰ সূত্ৰৰ মতে ইয়াৰে ১৮ গৰাকী মহিলা । মন কৰিবলগীয়া যে নলবাৰীৰ কাৰাগাৰত ঠাই নোহোৱাত  ইয়াৰ পৰা গোৱালপাৰা জেললৈ স্থানান্তৰ  কৰা হয় ১৮৫ জন বাল্য বিবাহৰ লগত গ্ৰেপ্তাৰ হোৱা কাৰাবন্দীক।জনা মতে ৪ খন বাছেৰে বৃহৎ  আৰক্ষী বাহিনী লৈ গোৱালপাৰা কাৰাগালৈ আজি ৰাওনা  হয় । বিষয়টোক কেন্দ্ৰ কৰি ইয়াত চাঞ্চল্যৰ সৃষ্টি হৈছে । স্মৰ্তব্য যে কাৰাবন্দীসকল 

 নলবাৰী,বাক্সা আৰু কামৰূপৰ জিলাৰ ৷ উল্লেখযোগ্য যে আদালতৰ নিৰ্দেশৰ পাছত নলবাৰী কাৰাগাৰত ৰখা হৈছিল যদিও আজি আবেলি গোৱালপাৰালৈ নিবলৈ ওলোৱাত পৰিয়ালৰ লোকৰ মাজত হুৱাদুৱা লাগে । পৰিয়ালৰ লোকে এয়া অন্যায় বুলি চৰকাৰৰ বিৰুদ্ধে ক্ষোভ উজাৰে।