বিনামূলীয়াকৈ বিদেশ ভ্ৰমণ কৰিব বিচৰাসকলৰ বাবে সোণালী সুযোগ প্ৰদান কৰিব এখন দেশে

গুৱাহাটী, ৬ ফেব্ৰুৱাৰীঃ যদি কোনোবাই বিদেশ ভ্ৰমণ কৰাৰ পৰিকল্পনা কৰি আছে, কিন্তু দীৰ্ঘদিন ধৰি সুযোগ পোৱা নাই তেন্তে এতিয়া তেওঁলোকৰ বাবে সেই সোণালী সুযোগ আহি পৰিছে। স্থানীয় পৰ্যটনৰ প্ৰচাৰৰ বাবে, এখন দেশে ৫ লাখ লোকক বিনামূলীয়া বিমান টিকট আগবঢ়াইছে। ইয়াৰ বাবে কেৱল পাছপোৰ্টৰ প্ৰয়োজন হ'ব। তাৰ পিছত ভিছা আৰু বিনামূলীয়া বিমান টিকট লৈ বিদেশ ভ্ৰমণৰ সপোন পূৰণ কৰিব পাৰিব। বিনামূলীয়া এয়াৰ টিকট অফাৰৰ এই ঘোষণা হংকঙৰ মুখ্য কাৰ্যবাহী বিষয়া জন লীয়ে কৰিছে। শেহতীয়াকৈ, চহৰখনৰ ৰিব্ৰেণ্ডিং অভিযান 'হেলো হংকং' আৰম্ভ কৰাৰ সময়ত লীয়ে এইটো ঘোষণা কৰিছে। তেওঁ কৈছে যে, "এই অভিযানৰ জৰিয়তে হংকঙত বিনিয়োগ আৰু পৰ্যটকৰ সংখ্যা বৃদ্ধিৰ প্ৰচেষ্টা কৰা হ'ব। ইয়াৰ বাবে হংকংলৈ আহিবলৈ ৫ লাখ বিদেশী যাত্ৰীক বিনামূলীয়া বিমান টিকট প্ৰদান কৰা হ'ব।"

লীয়ে আৰু কৈছে যে, "হংকংলৈ অহা বিদেশী ভ্ৰমণকাৰীসকলক চহৰখনৰ মুখ্য পৰ্যটন স্থলীসমূহ ভ্ৰমণলৈ লৈ যোৱা হ'ব। ইয়াৰ লগতে, তেওঁলোকক চহৰখনত বিনিয়োগৰ ভাল উৎসৰ বিষয়ে অৱগত কৰা হ'ব। হংকংলৈ অহা সকলে আৰু কোনো ধৰণৰ সংৰক্ষণ বা নিষেধাজ্ঞাৰ সন্মুখীন নহয়। তেওঁলোকে য'ত বিচাৰে ঘূৰি ফুৰিব বিচাৰে তাতেই থাকিব পাৰিব। লগতে, বিদেশীৰ উপৰিও চহৰখনত বাস কৰা লোকসকলকো বাহিৰলৈ যাবলৈ ৮০,০০০ বিনামূলীয়া বিমান টিকট দিয়া হ'ব। চহৰখনৰ এয়াৰলাইনচ কেথে পেচিফিক, হংকং এক্সপ্ৰেছ আৰু হংকং এয়াৰলাইনছে ১ মাৰ্চৰ পৰা ৬ মাহৰ বাবে বিদেশী লোকসকলক বিনামূলীয়া বিমান টিকট বিতৰণ কৰিব।