তিনিচুকীয়াত নিচাসক্ত পুতেকৰ প্ৰাণ ল'লে বাপেকে

গুৱাহাটী, ৬ ফেব্ৰুৱাৰীঃ তিনিচুকীয়াৰ হাঁহখাটিৰ পুৱালী পথাৰ গাওঁত এক কৰুণ ঘটনা সংঘটিত হৈছে, য'ত নিচাসক্ত অৱস্থাত থকা পুতেকক বাপেকে প্ৰহাৰ কৰাত মৃত্যু হয়। ঘটনাটোৰ পিছতে অভিযুক্ত বাপেকে আৰক্ষীৰ ওচৰত আত্মসমৰ্পণ কৰি অপৰাধ স্বীকাৰ কৰে। 

আৰক্ষীয়ে জানিবলৈ দিয়া অনুসৰি, ভুক্তভোগী পুতেকজন অনন্ত আৰন্ধৰাই বুলি চিনাক্ত কৰা হৈছে। ঘটনাটো বৰ্ণনা কৰা মূহুর্তত বাপেকে কৈছে যে, "অনন্ত সদায়ে সুৰাপান কৰি আহিছিল আৰু ঘটনাটোৰ দিনা, তেওঁ নিচাগ্ৰস্ত অৱস্থাত আছিল। সুৰাৰ নিচাত, অনন্তই মোক হাৰাশাস্তি কৰে লগতে, আঘাত কৰে আৰু মোক অভব্য গালি-গালাজ পাৰে। এই সকলোবোৰৰ বাবে মোৰ খং উঠাত অনন্তৰ আঘাত কৰো। কিন্তু পিছত মই সোনকালেই অনুভৱ কৰিলো যে মই মোৰ ল'ৰাক হত্যা কৰিলো।"