অসমৰ চাৰিখন ডাঙৰ চহৰ সংযোগী ছটা পথত হেলিকপ্টাৰ সেৱা আৰম্ভ কৰিব পৱন হন্সে

গুৱাহাটী,৭ ফেব্ৰুৱাৰী:বুধবাৰে অসমৰ চাৰিখন ডাঙৰ চহৰ সংযোগী ছটা পথত হেলিকপ্টাৰ সেৱা আৰম্ভ কৰিব পৱন হন্সে।কেন্দ্ৰীয় পি এছ ইউ পৱন হন্স লিমিটেডে অহা ৮ ফেব্ৰুৱাৰীত অসমৰ চাৰিখন প্ৰধান চহৰ সংযোগী ছয়টা পথত হেলিকপ্টাৰ সেৱা আৰম্ভ কৰিব, যাৰ ফলত বাণিজ্য আৰু পৰ্যটনত উত্থান ঘটিব বুলি আশা কৰা হৈছে।গুৱাহাটী,যোৰহাট, তেজপুৰ আৰু ডিব্ৰুগড় জিলাক সামৰি এই ছটা পথত চলিব হেলিকপ্টাৰ ।

আঞ্চলিক বিমান সংযোগ আঁচনি UDANৰ অধীনত এই পথসমূহ মুকলি কৰা হ’ব।ইফালে, ছয়খন ৰাজ্যত পৱন হন্স লিমিটেডে আঞ্চলিক সংযোগ আঁচনিৰ অধীনত ৮৬টা পথত হেলিকপ্টাৰ সেৱা প্ৰদান কৰিছে।ইয়াৰ পাছতে চুবুৰীয়া অৰুণাচল প্ৰদেশত এই সেৱাসমূহ কাৰ্যকৰী কৰা হ’ব বুলি প্ৰকাশ কৰিছে পৱন হন্স লিমিটেডে ।