এনটিএ-য়ে ঘোষণা কৰিলে জেইই-মেইনছৰ ফলাফল

গুৱাহাটী, ৭ ফেব্ৰুৱাৰীঃ ৰাষ্ট্ৰীয় পৰীক্ষা সংস্থা, এনটিএ-য়ে জেইই মেইনছৰ ফলাফল ২০২৪ ঘোষণা কৰিছে। প্ৰথম চেছনৰ বাবে যুটীয়া প্ৰৱেশ পৰীক্ষাৰ ফলাফল jeemain.nta.nic.in এনটিএ জেইইৰ অফিচিয়েল ছাইটত প্ৰাৰ্থীসকলৰ বাবে উপলব্ধ হ'ব। মুঠ ২০ জন প্ৰাৰ্থীয়ে পেপাৰ-১ (বি.ই./বি.টেক)ত চেছন ১ ত ১০০ এন.টি.এ. নম্বৰ লাভ কৰিছে। শীৰ্ষ ২০ গৰাকী প্ৰাৰ্থী পুৰুষ প্ৰাৰ্থী আৰু লগতে, কোনো মহিলা প্ৰাৰ্থীয়ে এই চেছনত ১০০ শতাংশ লাভ কৰা নাই।

জেইই মেইনচ চেছন ১ ৰ মহিলা শীৰ্ষস্থানপ্ৰাপ্ত মীছালা প্ৰনাথী শ্ৰীজা যিয়ে ৯৯.৯৯৭ শতাংশ লাভ কৰিছে আৰু তাৰ পিছত ৰামিৰেড্ডী মেঘনাই ৯৯.৯৯৪৪ শতাংশৰ সৈতে দ্বিতীয় স্থান লাভ কৰিছে। ইয়াৰ লগতে মেধা ভৱানী গিৰীশে ৯৯.৯৯৪১ শতাংশৰ সৈতে তৃতীয় স্থান লাভ কৰিছে। মুঠ ১০ গৰাকী মহিলা প্ৰাৰ্থীয়ে ৯৯.৯ শতাংশ লাভ কৰিছে।

এনটিএ-য়ে প্ৰকাশ কৰা প্ৰেছ বিজ্ঞপ্তি অনুসৰি, মুঠ ২৫৬৬৮৬ গৰাকী মহিলা প্ৰাৰ্থীয়ে পৰীক্ষাত পঞ্জীয়ন কৰিছে, যাৰ ভিতৰত ২৪৩৯২৮ প্ৰাৰ্থীয়ে এই চেছনত পৰীক্ষাত অৱতীৰ্ণ হৈছে।