বিবাহ যাত্ৰীৰ বাহন দুৰ্ঘটনাগ্ৰস্ত; ২ জন নিহত, ৫ জন আহত

গুৱাহাটী, ৭ ফেব্ৰুৱাৰীঃ ধুবুৰীত এখন বিবাহ যাত্ৰীৰ বাহন দুৰ্ঘটনাগ্ৰস্ত হোৱাত দুজন লোক নিহত হোৱাৰ লগতে আন পাঁচজন লোক গুৰুতৰভাৱে আহত হয়। দুৰ্ঘটনাটো চাপাৰ চহৰৰ ওচৰৰ হাতীপোতা অঞ্চলত সংঘটিত হৈছে। 

সূত্ৰ অনুসৰি, বিবাহ যাত্ৰীৰ বাহনখন এখন বাছৰ সৈতে মুখামুখি সংঘর্ষ হয়। দুৰ্ঘটনাত নিহত হোৱা লোক দুজন ক্ৰমে ৰেকিব আহমেদ আৰু তানিশা য়াচমিন বুলি চিনাক্ত কৰা হৈছে। পৰৱৰ্তী সময়ত স্থানীয় আৰক্ষী ঘটনাস্থলীত উপস্থিত হয় আৰু আহতসকলক ততাতৈয়াকৈ ওচৰৰ চিকিৎসালয়লৈ লৈ যোৱা হয়।