নগালেণ্ডত যাত্ৰীবাহী বাছ দুৰ্ঘটনাগ্ৰস্ত, কেইবাজনো লোক আঘাতপ্ৰাপ্ত

গুৱাহাটী, ২৭ ফেব্ৰুৱাৰীঃ শেহতীয়াকৈ নগালেণ্ডৰ কিয়াকেত সংঘটিত হোৱা এক যাত্ৰীবাহী বাছ দুৰ্ঘটনাত কেইবাজনো লোক আঘাতপ্ৰাপ্ত হৈছে। বাছখন ডিমাপুৰৰ পৰা জুনহেবোটো জিলাৰ চতাখালৈ গৈ থকাৰ সময়তে দুৰ্ঘটনাটো সংঘটিত হৈছে। নগালেণ্ডৰ কোহিমা আৰক্ষীয়ে ঘটনা সন্দৰ্ভত কৈছে যে ঘটনাটো শনিবাৰে পুৱা প্ৰায় ১০.৪৫ বজাত সংঘটিত হৈছে যেতিয়া বাছখন ৰাস্তাৰ পৰা ওলাই গৈ কোহিমাৰ চেইখাজৌৰ ওচৰৰ কেয়াকেত প্ৰায় ৮৫ ফুট উচ্চতাৰ  বাগৰি পৰিছে।

সূত্ৰ অনুসৰি, বাছখনে এখন ৰৈ থকা টেক্সীত খুন্দা মাৰে, যাৰ ফলত দুৰ্ঘটনাটো সংঘটিত হৈছে। ইপিনে, দুৰ্ঘটনাটো সংঘটিত কৰাৰ পিছতে বাছখনৰ চালকজন পলাতক অৱস্থাত আছে। 

নগালেণ্ড আৰক্ষীয়ে জনোৱা অনুসৰি, দুৰ্ঘটনাটোত প্ৰায় ২৭ জন লোক আঘাতপ্ৰাপ্ত হৈছে। আহত লোকসকলৰ চাৰিজনক আইচিইউত ভৰ্তি কৰোৱা হৈছে।