ঘৰৰ দায়িত্ব মূৰ পাতি ল'বলৈ ভিলেইন হিচাপে কেৰিয়াৰ আৰম্ভ কৰা অভিনেতা গৰাকী

গুৱাহাটী, ১ মাৰ্চঃ আৰবাজ খান ছলমান খানৰ দৰে সফল হ'ব নোৱাৰিলেও, কিন্তু তেওঁ উদ্যোগটোত কাম এৰি দিয়া নাই। তেওঁ ৯০ ৰ দশকত বলীউডত প্ৰৱেশ কৰে আৰু তেতিয়াৰ পৰা এতিয়ালৈকে তেওঁ একেৰাহে কাম কৰি আছে। তেওঁৰ টক শ্ব'বোৰ চাবলৈ সকলোৱে ভাল পায়। কিন্তু কমসংখ্যক লোকেহে জানে যে, আৰবাজ খানে নায়ক হিচাপে নহয় বৰঞ্চ এটা খলনায়ক অৰ্থাৎ ভিলেইনৰ চৰিত্ৰত চিনেমাত আত্মপ্ৰকাশ কৰিছে।

তেওঁৰ প্ৰথম চলচ্চিত্ৰ দাৰাৰত নেতিবাচক চৰিত্ৰত অভিনয় কৰা সন্দৰ্ভত আৰবাজে কৈছে যে, "সেই সময়ত মোৰ ওচৰত বেছি প্ৰস্তাৱ নাছিল। এনে পৰিস্থিতিত, যেতিয়া মোৰ ওচৰত এটা প্ৰস্তাৱ আহে মই চৰিত্ৰটোৰ গুৰুত্ব চাইছিলো, ই নেতিবাচক নে ইতিবাচক সেয়া চোৱা নাই।"

আৰবাজে আৰু কৈছে যে, "সেই সময়ত মই কাম আৰম্ভ কৰিব বিচাৰিছিলো। কাৰণ সেই সময়ত মোৰ কিছুমান দায়িত্বও আছিল। চেলিম খানৰ পৰা কামৰ অভিজ্ঞতা লৈছিলো, ছলমান খান ইতিমধ্যে এজন তাৰকা হৈ পৰিছিল, ঠিক তেতিয়াই মই সিদ্ধান্ত ল'লো যে মই নিশ্চিতভাৱে এই অভিজ্ঞতাৰ সুবিধা ল'ম।"