অ'এনজিচি তিনি বিষয়া-কৰ্মচাৰীক অপহৰণৰ আঁৰত আলফা(স্বা): স্বীকাৰ কৰিলে আলফা সেনাধ্যক্ষ পৰেশ বৰুৱাই

গুৱাহাটী,২১ এপ্ৰিল: লাকুৱা তেল ক্ষেত্ৰৰ পৰা অ'এনজিচিৰ তিনিজন কৰ্মচাৰী অপহৰণ কাণ্ডত সংযুক্ত মুক্তি বাহিনী অসম(স্বা) অৰ্থাৎ আলফা জড়িত থকাৰ কথা সংগঠনটোৱে স্বীকাৰ কৰিছে। 

অ'এনজিচি বিষয়া-কৰ্মচাৰী ক্ৰমে মোহিনী মোহন গগৈ, চিপিএফ-১২৮৮৩৩ (জুনিয়ৰ টেকনিচিয়ান, প্ৰডাকচন), ৰিতুল শইকিয়া, চিপিএফ–১৩২৩৪৬৬ (জুনিয়ৰ টেকনিচিয়ান, প্ৰডাকচন), অলকেশ শইকীয়া, চিপিএফ – ১৩৭৯৯৫, (জুনিয়ৰ ইঞ্জিনিয়াৰিং এচিষ্টেণ্ট, প্ৰডাকচন) তিনিজনক আজি পুৱা লাকুৱা তৈল ক্ষেত্ৰৰ পৰা অপহৰণ কৰি নিছিল।  

ইতিমধ্যে আলফা(স্বা)ই যোৱা বছৰ ডিচেম্বৰত অৰুণাচল প্ৰদেশৰ চাংলাং জিলাৰ পৰা কুইপ্পো তেল আৰু গেছ আন্তঃগাঁথনি সংস্থাৰ দুজন বিষয়া ক্ৰমে ড্ৰিলিং অধীক্ষক প্ৰণৱ কুমাৰ গগৈ,আৰু ৰেডিঅ' অপাৰেটৰ ৰাম কুমাৰক অপহৰণ কৰিছিল। পৰৱৰ্তী পৰ্যায়ত দুয়োকে ৩ এপ্ৰিলত মুক্তি দিয়া হৈছিল।