গুৱাহাটী,২৮ এপ্ৰিল:নগাঁৱত ৰাইজৰ মাজত আতংক।ভূমিকম্পত নগাঁৱৰ হেলনীয়া হৈ পৰিল এটা নৱনিৰ্মিত অট্টালিকা।ভূমিকম্পৰ ফলত অট্টালিকাটো হেলনীয়া গৈ কাষৰ এটা অট্টালিকাৰ গাত লাগি যায়।

অট্টালিকাটো চহৰখনৰ ফৌজদাৰীপট্টিৰ কাঠমিল চাৰিআলিস্থিত জগদীশ প্ৰসাদ নামৰ এগৰাকী ঠিকাদাৰৰ আছিল।

ভূমিকম্পৰ সময়ত অট্টালিকাটোত দুটা পৰিয়ালৰ ৫ জন সদস্য আছিল যদিও সৌভাগ্যক্ৰমে তেওঁলোক ৰক্ষা পৰে।

গুৱাহাটী,২৮ এপ্ৰিল: ভাৰতীয় বায়ু সেনাই ডুবাই আৰু ছিংগাপুৰৰ পৰা ৯ টা ক্ৰায়'জেনিক অক্সিজেন কণ্টেইনাৰ বিমানেৰে কঢ়িয়াই পশ্চিম বংগৰ পানাগড় বিমান বন্দৰলৈ লৈ আহে ।

তদুপৰি, ২৭ এপ্ৰিলত ভাৰতীয় বায়ু সেনাৰ বিমানে ইন্দ'ৰৰ পৰা জামনগৰলৈ দুটা ক্ৰায়'জেনিক অক্সিজেন কণ্টেইনাৰ, উদয়পুৰ আৰু যোধপুৰৰ পৰা জামনগৰলৈ দুটা আৰু হিন্দনৰ পৰা ৰাঁচীলৈ দুটা ক্ৰায়'জেনিক অক্সিজেন কণ্টেইনাৰ বিমানযোগে প্ৰেৰণ কৰিছে ।

ভাৰতীয় বায়ু সেনাই হায়দৰাবাদৰ পৰা ভূৱনেশ্বৰলৈ আঠটা ক্ৰায়'জেনিক অক্সিজেন কণ্টেইনাৰ, ভূপালৰ পৰা ৰাঁচীলৈ দুটা আৰু চণ্ডীগড়ৰ পৰা আকৌ ৰাঁচীলৈ দুটা কণ্টেইনাৰ বিমানযোগে প্ৰেৰণ কৰে ।

চিকিৎসাৰ ক্ষেত্ৰত অতি প্ৰয়োজনীয় চিকিৎসা সামগ্ৰী অক্সিজেনৰ বিতৰণ ত্বৰান্বিত কৰিবলৈ ভাৰতীয় বায়ু সেনাই দেশৰ বিভিন্ন ফিলিং ষ্টেচনলৈ খালী অক্সিজেন টেংকাৰ আৰু কণ্টেইনাৰবোৰ বিমানেৰে লৈ আহিছে ।