গুৱাহাটী,৩০ এপ্ৰিল: আগন্তুক অসম বিধানসভা নিৰ্বাচনৰ ফলাফল ঘোষণাৰ কেইদিনমান আগতে তৎপৰ হৈ পৰিছে অসমৰ স্বাস্থ্য বিভাগ । আজি আগন্তুক নিৰ্বাচনৰ ভোটগণনাৰ সমগ্ৰ প্ৰক্ৰিয়াত সহায় সহযোগ কৰিব লগীয়া সকলে ব্যধ্যতামূলক হিচাপে কৰিব লগা হৈছে ক'ভিড পৰীক্ষা  ।

নিৰ্বাচন আয়োগে ধৰি দিয়া নিয়ম অনুসৰি স্বাস্থ্য বিভাগে নিৰ্বাচনত প্ৰতিদ্বন্দিতা কৰা প্ৰাৰ্থী,কাউন্টিং এজেন্ট তথা আন সংযোজিত বিষয় ববীয়া সকলৰ ক'ভিড পৰীক্ষা বাধ্যতামূলক কৰি দিছে । লগতে নিৰাপত্তাৰক্ষী সকলৰো ক'ভিড পৰীক্ষা কৰা হৈছে ।

নিৰ্বাচনৰ বিষয়ববীয়া সকলক ৰবীন্দ্ৰ ভৱন আৰু প্ৰাৰ্থী সকলক লক্ষ্মীৰাম বৰুৱা সদনত ক'ভিড পৰীক্ষা কৰি থকা হৈছে ।

গুৱাহাটী, ৩০ এপ্ৰিলঃ অহা ২ মে’ ত হ’ব অসম বিধান সভা নিৰ্বাচনৰ ভোট গণনা। সেয়েহে, কভিড মহামাৰী সংক্ৰমণৰ প্ৰতিৰোধক হিচাপে ভাৰতৰ নিৰ্বাচন আয়োগে বাধ্যতা মূলক কৰিছে কভিড টেষ্ট ভোট গণনাত কৰ্তব্য পালন কৰিবলগীয়া সকলো কৰ্মচাৰী-বিষয়াৰ। 
আজি জিলা পুথি ভড়ালত ভোট গণনা প্ৰক্ৰিয়াত নিযুক্ত আৰক্ষী কৰ্মী সকলৰ বাবে কভিড টেষ্ট শিৱিৰ আয়োজন কৰাৰ লগতে আন চৰকাৰী বিষয়া কৰ্ৰমচাৰীৰ বাবে ৰবীন্দ্ৰ ভৱনত আয়োজন কৰা হয় কভিড টেষ্ট শিৱিৰ।  
ভোট গণনা প্ৰক্ৰিয়াৰ সৈতে জড়িত হ’ব লগীয়া লোক সকলৰ কভিড প্ৰট’কল অনুসৰি শাৰীৰিক দূৰত্ব বৰ্তাই নৰখাকৈয়ে কভিড টেষ্ট সম্পন্ন কৰা দেখা গ’ল, যিটো এই সময়ত অতি আপত্তিজনক। মহামাৰীৰ তাণ্ডৱৰ মাজত এনে অসজাগ আচৰণে সকলোৰে বাবে এক অসুস্থ উদাহৰণ দাঙি ধৰিছে।