গুৱাহাটী, ৪ মে: ছিকিম স্বাস্থ্য বিভাগৰ ক'ভিড পজিটিভৰ তালিকা অনুসৰি ৰাজ্যখনত ক'ভিড-১৯ত আক্রান্তৰ ৮,৪৬৮ জনলৈ বৃদ্ধি পাইছে। ২৭ জন লোক নতুনকৈ ক'ৰনা ভাইৰাছত পজিটিভ হিচাপে চিনাক্ত হৈছে। সম্প্ৰতি এজন লোকৰ ক'ভিডত মৃত্যু হোৱাত বাবে ৰাজ্যখনত মৃত্যুৰ সংখ্যা ১৫০ লৈ বৃদ্ধি পাইছে।

নতুনকৈ ক'ভিড-১৯ ত আক্রান্ত হোৱা ব্যক্তিসমূহ ক্ৰমে পূৱ ছিকিমৰ পৰা ১৩ জন, পশ্চিম ছিকিমৰ পৰা ১০ জন আৰু দক্ষিণ ছিকিম জিলাৰ পৰা ৪ জন লোক ক'ভিড পৰীক্ষাত পজিটিভ হিচাপে চিনাক্তকৰণ হৈছে। বৰ্তমান ৰাজ্যখনত ৯৬,২৫৪ টা ক'ভিড পৰীক্ষা সম্পন্ন হৈছে, ইয়াৰে ২৪ ঘন্টাৰ ভিতৰত ১১১ টা ক'ভিড পৰীক্ষা সম্পন্ন হৈছে।

গুৱাহাটী, ৪ মে:  ভাৰতীয় ষ্টেট বেংকে ক'ভিড-১৯ৰ সৈতে মোকাবিলা কৰিবলৈ ৭১ কোটি টকা আৱণ্টন দিয়াৰ সিদ্ধান্ত গ্রহণ কৰে। উক্ত ধনৰাশিৰে ক'ভিড-১৯ ত অতি বেছি ক্ষতিগ্রস্ত হোৱা ৰাজ্যসমূহত ৰোগীৰ চিকিৎসাৰ বাবে  ১০০০ বিচনা যুক্ত অস্থায়ী চিকিৎসালয় স্থাপন কৰা হ'ব। এছবিআইৰ ৰাজ্যিক মূৰব্বী সকলে অস্থায়ী চিকিৎসালয়ৰ বাবে ৩০ কোটি টকা আৱণ্টন কৰিছে।

উক্ত ৩০ কোটি টকাৰ ক'ভিড-১৯ৰ চিকিৎসা সেৱাৰ বাবে উপযুক্ত চিকিৎসা সঁজুলি ক্ৰয়, চিকিৎসালয়লৈ অক্সিজেন যোগান, ক'ভিড পৰিচৰ্যা কেন্দ্ৰ স্থাপন, এম্বুলেন্স, পিপিই কিট, মাস্ক আৰু লগতে ৰোগীৰ খাদ্য সামগ্রী প্ৰদানৰ বাবদ ২১ কোটি টকা ব্ৱহাৰ কৰা হ'ব। ভাৰতীয় ষ্টেট বেংকে ২২,০০০ তকৈও অধিক শাখাৰ বিস্তৃত নেটৱৰ্কৰ জৰিয়তে নাগৰিকসকলক ক'ভিড চিকিৎসাসেৱা আগবঢ়াব বুলি কৰ্তৃপক্ষই জানিবলৈ দিয়ে।

এছবিআইৰ এই সুবিধাসমূহ চৰকাৰী চিকিৎসালয় আৰু দৰিদ্র চহৰসমূহৰ পৌৰ নিগমৰ সহযোগত স্থাপন কৰা হ'ব। সদ্যহতে ভাৰতীয় ষ্টেট বেংকে, বেংকৰ কৰ্মচাৰী আৰু পৰিয়ালৰ সদস্যসকলৰ টিকাকৰণৰ বাবে বিভিন্ন চিকিৎসালয়ৰ সৈতে চুক্তিবদ্ধ হৈছে।