অষ্টম শ্ৰেণী উত্তীৰ্নই কৰিলে গৰ্ভৱতী মহিলাৰ অস্ত্ৰোপচাৰ

গুৱাহাটী,২০ মাৰ্চ:উত্তৰ প্ৰদেশত এক ভয়ংকৰ ঘটনা সংঘটিত হয় । এখন ব্যক্তিগত চিকিৎসালয়ত ৰেজৰ ব্লেড ব্যৱহাৰ কৰি স্কুলীয়া ছাত্ৰ এজনে কৰে গৰ্ভৱতী মহিলাক অস্ত্ৰোপচাৰ । সেই অস্ত্ৰোপচাৰত অত্যাধিক ৰক্তক্ষৰণ হৈ মৃত্যুবৰণ কৰে মাতৃ আৰু সন্তান ।

অভিযুক্তজন ৰাজেন্দ্ৰ শুক্লা বুলি চিনাক্ত কৰা হৈছে যি কেৱল ৮ম শ্ৰেণীলৈকে অধ্যয়ন কৰিছে। ঘটনাটো বুধবাৰে নিশা চুলতানপুৰ জিলাৰ সাইনী গাঁৱত সংঘটিত হৈছিল।

এই সমগ্ৰ ঘটনাটো ভুক্তভোগীৰ স্বামী ৰাজাৰামে আৰক্ষীৰ ওচৰলৈ যোৱাৰ পিছত পোহৰলৈ আহে। ৰাজাৰামে এজাহাৰ দাখিল কৰি কৈছিল যে চিকিৎসাৰ অৱহেলাৰ বাবে তেওঁৰ ৩৩ বছৰীয়া পত্নী পোনম আৰু তেওঁলোকৰ নৱজাতক শিশুৰ মৃত্যু হৈছিল।