ভাৰতীয় সেনাপ্ৰধান বাংলাদেশলৈ ৰাওনা

গুৱাহাটী,৮ এপ্ৰিল: ভাৰতীয় সেনাপ্ৰধান জেনেৰেল এম.এম নাৰাভানে বৃহস্পতিবাৰে পাঁচদিনীয়া ভ্ৰমণসূচীৰে বাংলাদেশলৈ ৰাওনা হয় ।  দুয়োখন দেশৰ মাজত বিভিন্ন কৌশলগত বিষয়ত সহযোগিতা আৰু সমন্বয়ক অধিক সম্প্ৰসাৰিত কৰাৰ স্বাৰ্থত এই ভ্ৰমনসূচীৰে বাংলাদেশলৈ ৰাওনা হয় সেনাপ্ৰধান গৰাকী ।

বৃহস্পতিবাৰে জেনেৰেল নাৰাভানে বাংলাদেশৰ মুক্তি যুদ্ধৰ নায়কসকলক শ্ৰদ্ধাঞ্জলি জ্ঞাপন কৰিব আৰু ইয়াৰ পিছত তিনিজন সামৰিক সেৱাৰ মুৰব্বীৰ সৈতে বৈঠকত মিলিত হ'ব ।

সেনা প্ৰধান গৰাকীয়ে ১১ এপ্ৰিলত বাংলাদেশৰ বৈদেশিক মন্ত্ৰীৰ সৈতেও বাৰ্তালাপ কৰিব।

সেনাৰ মুখপাত্ৰ কৰ্ণেল অমন আনন্দে কয়, "৮ ৰ পৰা ১২ এপ্ৰিললৈ এই ভ্ৰমণে দুয়ো দেশৰ সেনাৰ মাজত দ্বিপাক্ষিক সম্পৰ্কক অধিক গভীৰ কৰি তুলিব আৰু দুয়োখন দেশৰ মাজত বিভিন্ন কৌশলগত বিষয়ত সমন্বয় আৰু সহযোগিতাৰ মূল ভেটি হিচাপে কাম কৰিব।"