গুৱাহাটী, ৬ মে':কৰ’নাৰ সংকটৰ সময়ত মোহময়ী অভিনেত্ৰী ছানী লিয়নীৰ মহানুভৱতা।কৰ’নাৰ ভয়াৱহ সংক্ৰমণৰ ফলত শ্ৰমজীৱি লোকসকল বেয়াকৈ ক্ষতিগ্ৰস্ত হৈছে।কিন্তু সংকটৰ এই সময়ত আৰ্তজনক সহায় কৰিবলৈ আগবাঢ়ি আহিছে অভিনেত্ৰী ছানী লিয়নী।

ছানী লিয়নীয়ে ইথিকেল ট্ৰিটমেণ্ট অৱ এনিমেলছ চমুকৈ 'পিটা'ৰৰ সহযোগত দিল্লীৰ প্ৰব্ৰজিত শ্ৰমিকলৈ খাদ্য সামগ্ৰী যোগান ধৰে।দিল্লীৰ ১০ হাজাৰ প্ৰব্ৰজিত শ্ৰমিকলৈ ছানী লিয়নীয়ে যোগান ধৰিলে খাদ্য।

ছানী লিয়নীৰ এই প্ৰচেষ্টালৈ উদয় ফাউণ্ডেশ্যন নামৰ NGO-ই সহায়ৰ হাত আগবঢ়াইছে।উল্লেখযোগ্য যে, ইয়াৰ পূৰ্বে ছলমান খান,শিল্পা ছেট্টীয়েও আৰ্তজনক সহায় কৰিবলৈ আগবাঢ়ি আহিছে।

গুৱাহাটী, ৬ মে': অসমৰ মহামাৰী কভিড পৰিস্থিতিৰ মাজতে আইমী বৰুৱাই ৰাজ্যবাসীলৈ সুখৰ খৱৰ কঢ়িয়াই আনিছে। অভিনেত্ৰী আইমী বৰুৱাক তেগুৰ আন্তঃৰাষ্ট্ৰীয় চলচ্চিত্ৰ মহোৎসৱত প্ৰথম ডিমাচা ভাষাৰ চলচ্চিত্ৰ 'চেমখোৰ'ৰ বাবে 'শ্ৰেষ্ঠ আখ্যান', 'শ্ৰেষ্ঠ মহিলা চলচ্চিত্ৰ' বঁটাৰে সম্বৰ্ধনা জনোৱা হয়। 

লগতে চলচ্চিত্ৰ মহোৎসৱত আইমী বৰুৱাক 'শ্ৰেষ্ঠ আত্মপ্ৰকাশ চলচ্চিত্ৰ নিৰ্মাতা' হিচাপেও স্বীকৃতি প্ৰদান কৰা হয়। আইমী বৰুৱাই নায়িকাৰ চৰিত্ৰত অভিনয় কৰা ছবিখনত ডিমাচা জনজাতিৰ লোকসকলৰ জীৱনৰ ওপৰত নিৰ্মান কৰা হৈছিল।