গুৱাহাটী,১২ মে': উত্তৰ পূৰ্বাঞ্চলৰ বৰ্ধিত ক'ভিড সংক্ৰমণৰ প্ৰতি লক্ষ্য ৰাখি ভাৰত চৰকাৰে তড়িৎ গতিত উত্তৰ পূৰ্বাঞ্চলৰ ৰাজ্যসমূহলৈ প্ৰেৰণ কৰিছে ক'ভিড ভেকচিন।

আজি অসমে কেন্দ্ৰীয় চৰকাৰৰ পৰা লাভ কৰে ১,৮০,০০০ ৰো অধিক ক'ভিশ্বিল্ড ভেকচিন ।

এই কথা সদৰী কৰি অসমৰ মুখ্যমন্ত্ৰী হিমন্ত বিশ্ব শৰ্মাই টুইটাৰ যোগে উল্লেখ কৰে যে,"অসমে ভাৰত চৰকাৰৰ পৰা ৪৫ ঊৰ্দ্ধৰ লোকসকলৰ বাবে ১,৮০,০০০ৰো অধিক ক'ভিশ্বিল্ড ভেকচিনৰ পালি প্ৰেৰণ কৰিছে। আমাৰ টিকাকৰণ কাৰ্যসূচীক সমৰ্থন কৰাৰ বাবে আমি মাননীয় প্ৰধানমন্ত্ৰী শ্ৰী নৰেন্দ্ৰ মোদীৰ ওচৰত চিৰ কৃতজ্ঞ। সকলোৱে অনুগ্ৰহ কৰি টিকাকৰণ কৰাওক।"