দিশা পাটানি আৰু টাইগাৰ শ্ৰফৰ বিৰুদ্ধে মুম্বাই আৰক্ষীয়ে ৰুজু কৰিলে গোচৰ

গুৱাহাটী, ৩ জুন: বলীউড অভিনেতা টাইগাৰ শ্ৰফ আৰু অভিনেত্ৰী দিশা পাটানিয়ে প্ৰায়ে তেওঁলোকৰ সম্পৰ্কৰ বাবে বাতৰিৰ শিৰোনাম দখল কৰা দেখা যায়। দুয়োকে প্ৰায় নিশাৰ আহাৰ, বাহনৰ ভিতৰত অথবা পাৰ্টিত একেলগে দেখা যায়। কিন্তু সদ্যহতে টাইগাৰ শ্ৰফ আৰু দিশা পাটানিক নিশা মুম্বাইৰ ৰাজপথত লকডাউন চলি থকাৰ মাজতে ঘূৰি ফুৰা দেখা গৈছিল। এই সময়ছোৱাত মুম্বাই আৰক্ষীয়ে তেওঁলোকক বাধা দিয়ে।

ঘটনা অনুসৰি দিশা পাটানি আৰু টাইগাৰ শ্ৰফে সন্ধিয়া শাৰীৰিক চৰ্চা কৰি জিমৰ পৰা উভতি আহি আছিল। তেনে সময়তে, মুম্বাইৰ বান্দ্ৰাৰ বেণ্ডষ্টেণ্ডৰ কাষত মুম্বাই আৰক্ষীয়ে হঠাতে তেওঁলোকৰ বাহনখন ৰখাইছিল। আৰক্ষীয়ে জনোৱা অনুসৰি টাইগাৰ শ্ৰফে বাহনৰ পিছৰ আসনত বহি আছিল আৰু দিশা পাটানিয়ে সন্মুখৰ আসনত বহি আছিল। পৰৱৰ্তী সময়ত আৰক্ষীয়ে দুয়োজনৰ আধাৰ কাৰ্ড পৰীক্ষা কৰে আৰু অন্যান্য আনুষ্ঠানিকতা সম্পূৰ্ণ কৰাৰ পিছত দুয়োকে যাবলৈ দিয়ে।

ক'ৰনা ভাইৰাছৰ কাৰণে জাৰি কৰা সান্ধ্য আইনৰ পৰিপ্ৰেক্ষিতত আৰক্ষীয়ে এই ব্যৱস্থা লোৱা বুলি জানিবলৈ দিছে। লগতে দুৰ্যোগ ব্যৱস্থাপনা আইন ১৮৮-৩৪ ৰ অধীনত দুয়োৰে বিৰুদ্ধে বান্দ্ৰা আৰক্ষী থানাত এটা গোচৰ ৰুজু কৰা হৈছে।  টাইগাৰ শ্ৰফ আৰু দিশা পাটানিক 'বাঘী ২' আৰু 'বাঘী ৩' নামৰ চিনেমাত একেলগে দেখা গৈছিল। আনহতে দিশা পাটানিক অলপতে চলমান খানৰ 'ৰাধে: ইয়ৰ মোষ্ট ৱান্টেড ভাই'ত দেখা গৈছিল। দিশাক সোনকালেই 'এক ভিলেন ৰিটাৰ্ণছ' চিনেমাতো দেখা পোৱা যাব।