ৰাজ কুন্দ্ৰাৰ গ্ৰেপ্তাৰৰ পিছত শিল্পা চেট্টীৰ প্ৰথম ভিডিঅ' প্ৰকাশ; ক'লে বেয়া সময় পাৰ কৰাৰ এইটো একমাত্র উপায়

গুৱাহাটী, ১৬ আগষ্টঃ শিল্পা চেট্টীৰ স্বামী ৰাজ কুন্দ্ৰা গ্ৰেপ্তাৰ হোৱাৰ পিছৰে পৰা অভিনেত্রী গৰাকীয়ে নিজকে সংবাদ মাধ্যমৰ পৰা আঁতৰাই ৰাখিছে। তেওঁ নৃত্যৰ ৰিয়েলিটি শ্ব' 'চুপাৰ ডান্সাৰ চেপ্টাৰ ৪'ৰ বিচাৰকৰ আসনতো দেখিবলৈ পোৱা যোৱা নাই। কিন্তু শেহতীয়াকৈ অভিনেত্রী গৰাকীয়ে তেওঁৰ কঠিন সময়ৰ পৰা নিজকে সন্তুলিত কৰিবলৈ কি কৰিব লাগে এক ভিডিঅ' যোগে ব্যাখ্যা আগবঢ়াইছে। 

শিল্পাই বিগত কেইবাদিন ধৰি সকলো দিশৰ পৰা সম্পূৰ্ণৰূপে আঁতৰি থাকিবলৈ বাধ্য হৈছে। কিন্তু তেওঁৰ স্বামীক গ্ৰেপ্তাৰ কৰাৰ পিছত, অভিনেত্ৰীগৰাকীয়ে শেহতীয়াকৈ প্ৰথমবাৰৰ বাবে অনুৰাগীসকলক নিজৰ এক আভাস দেখুৱাইছে আৰু এই ভিডিঅ'টো ৰাজহুৱাভাৱে প্ৰকাশ কৰিছে।

অভিনেত্ৰীগৰাকীয়ে তেওঁৰ ইনষ্টাগ্ৰামত এটা ভিডিঅ' শ্বেয়াৰ কৰিছে, য'ত শিল্পাই বেয়া সময়বোৰ আঁতৰাবলৈ যোগাসন কৰা দেখা গৈছে আৰু সকলোকে এনেদেৰে দুৰ্দিনৰ সময়ত যোগাভ্যাস কৰিবলৈ পৰামৰ্শ আগবঢ়াইছে।