ৰাজ কুন্দ্ৰাক বম্বে উচ্চ ন্যায়ালয়ৰ পৰা সকাহ; কাৰাগাৰৰ পৰা হোৱা নাই বাহিৰ

গুৱাহাটী, ১৯ আগষ্টঃ শিল্পা চেট্টীৰ স্বামী ৰাজ কুন্দ্ৰাক মুম্বাই আৰক্ষীৰ অপৰাধ শাখাই অশ্লীল ভিডিঅ' বনোৱা আৰু প্ৰকাশ কৰাৰ অভিযোগত বিগত ১৯ জুলাই তাৰিখে গ্ৰেপ্তাৰ কৰিছিল। ৰাজ কুন্দ্ৰা বৰ্তমানেও ন্যায়িক জিম্মাত আছে। শেহতীয়াকৈ উচ্চ ন্যায়ালয়ত গোচৰৰ শুনানিৰ পিছত ৰাজ কুন্দ্ৰাক সকাহ কিছু দিয়া হৈছে। 
বম্বে উচ্চ ন্যায়ালয়ে মুম্বাই আৰক্ষীৰ চাইবাৰ চেলৰ দ্বাৰা তেওঁৰ বিৰুদ্ধে ৰুজু কৰা গোচৰত ৰাজ কুন্দ্ৰাক ২৫ আগষ্টলৈকে গ্ৰেপ্তাৰ কৰাৰ পৰা অন্তৱৰ্তীকালীন সুৰক্ষা প্ৰদান কৰে। ৰাজ কুন্দ্ৰাই একেটা গোচৰত জামিন বিচাৰি উচ্চ ন্যায়ালয়ৰ কাষ চাপিছিল। 

ইপিনে, ৰাজ কুন্দ্ৰাৰ অধিবক্তা প্ৰশান্তে আবেদনখনত কৈছিল যে, ব্যৱসায়ীজনৰ বিৰুদ্ধে প্ৰথমতে কোনো এজাহাৰ দাখিল কৰা হোৱা নাছিল। তেওঁলোককো সোধা-পোছাৰ বাবে মাতি অনা হৈছিল। তেওঁ আৰক্ষীৰ ওচৰলৈ গৈছিল আৰু তেওঁৰ বিবৃতি লিপিবদ্ধ কৰিছিল। কিন্তু তেওঁ গ্ৰেপ্তাৰ হোৱাৰ আশংকা কৰিছিল, যাৰ ফলত তেওঁ আগতীয়া জামিনৰ বাবে আবেদন কৰিছিল।" 

আনহাতে, মুম্বাইৰ আৰক্ষীয়ে ৰাজ কুন্দ্ৰাৰ বিৰুদ্ধে কেইবাটাও প্ৰমাণ পাবলৈ সক্ষম হৈছিল।  মুম্বাই আৰক্ষীৰ অপৰাধ শাখাই ৪৮ টা অশ্লীল ভিডিঅ'ৰ সমল উদ্ধাৰ কৰিছিল, যাৰ ভিতৰত দুটা এপৰ পৰা জব্দ কৰা ৫১ খন অশ্লীল চিনেমা আছিল। বৰ্তমান ৰাজ কুন্দ্ৰাক কাৰাগাৰৰ পৰা মুকলি কৰি দিয়া হোৱা নাই।