ভাৰতীয় 'ডেল্টা' প্ৰকাৰৰ দ্বাৰা সংক্ৰমিত লোকসকলৰ ভাইৰেল ল'ড ক'ভিড-১৯ৰ মূল প্ৰকাৰতকৈ ৩০০ গুণ বেছি

গুৱাহাটী, ২৫ আগষ্টঃ দক্ষিণ কোৰিয়াৰ এক অধ্যয়নত পোৱা গৈছে যে ক'ভিডৰ অধিক শক্তিশালী ডেল্টা প্ৰকাৰৰ দ্বাৰা সংক্ৰমিত হোৱা লোকসকলে ক'ভিড-১৯ৰ মূল প্ৰকাৰৰ দ্বাৰা সংক্ৰমিত হোৱা লোকৰ তুলনাত ভাইৰেল লোড ৩০০ গুণ অধিক হাৰত দেখুৱায়। 

ডেল্টা প্ৰকাৰৰ দ্ৰুতগতিত সিঁচৰতি হোৱা আৰু নিম্ন ছিটাকৰণৰ হাৰৰ লগতে বজাৰসমূহ মুকলি হোৱা আৰু ইউৰোপ আৰু উত্তৰ আমেৰিকাৰ অৰ্থনীতি পুনৰ মুকলি হোৱাৰ বাবে এছিয়াৰ বেছিভাগ অংশত ডেল্টা প্ৰকাৰবিধৰ দ্বাৰা আক্রান্ত হোৱাৰ আশংকা বৃদ্ধি হৈ পৰিছে। 

অধ্যয়নটোত লগতে দেখা গৈছিল যে, ডেল্টা প্ৰকাৰৰ দ্বাৰা সংক্ৰমিত ১,৮৪৮ জন ৰোগীয়ে ২২,১০৬ জন অন্য প্ৰকাৰৰ দ্বাৰা সংক্ৰমিত হোৱা লোকৰ সৈতে তুলনাত অধিক হাৰত ভাইৰেল লোড দেখুৱাইছিল।

দক্ষিণ কোৰিয়াত সোমবাৰে ১,৫০৯ জন নতুন ক'ৰনা ভাইৰাছত আক্ৰান্ত হোৱা লোকৰ প্ৰতিবেদন পোৱা গৈছে, যাৰ ফলত বৰ্তমানলৈ মুঠ ২,৩৯,২৮৭ জন লোক ক'ভিড-১৯ত সংক্ৰমণ হৈছে, আৰু ২,২২৮ জন লোকৰ মৃত্যু হৈছে।

দক্ষিণ কোৰিয়াৰ ৫২ নিযুত জনসংখ্যাৰ ৫১.২ শতাংশ লোকক কমেও এটা ভেকছিনৰ পালিৰ সৈতে ছিটাকৰণ কৰা হৈছে, আনহাতে ২৩.৯ শতাংশ লোকক সম্পূৰ্ণৰূপে ছিটাকৰণ কৰা হৈছে।