এইসমূহ সামগ্ৰী ৰাতি তিয়াই খোৱাটো স্বাস্থ্য়ৰ বাবে অতিকৈ উপকাৰী, শৰীৰক নিৰোগী কৰি ৰখাৰ বাবে জানক 

গুৱাহাটী, ৩০ আগষ্টঃ মানুহে যেতিয়া স্বাস্থ্যৰ কথা ভাবিবলৈ লয়, তেতিয়া সকলোৱে নিজকে সুস্থ কৰি ৰাখিবলৈ বহুতো পদ্ধতি অৱলম্বন কৰে। সেয়া কৰাই হওক নাইবা যোগাভাস কৰাই হওক। ইয়াৰ উপৰিও আমি যথেষ্ট পৰিমানত পানী সেৱন কৰো। কিন্তু স্বাস্থ্যৱান আৰু শৰীৰ সুস্থ কৰি ৰাখিবলৈ, ব্যায়াম, যোগাভ্যাসৰ লগতে সঠিক খাদ্য খোৱাটো অতিকৈ গুৰুত্বপূৰ্ণ।

ৰাতিপুৱা শুই উঠি কিছুমান বস্তু খোৱাৰ ফলত আমাৰ শৰীৰৰ বাবে যথেষ্ট লাভজনক বুলি গণ্য কৰা হয়। ইয়াৰ বাবে এনে কিছুমান খাদ্য আছে যিবোৰ ৰাতি তিয়াই পুৱা খোৱাৰ ফলত শৰীৰ সুস্থ হৈ থকাত সহায়ক হয়। লগতে এই খাদ্যবোৰ শৰীৰৰ ৰোগ প্ৰতিৰোধ ক্ষমতা বৃদ্ধি কৰে আৰু বহুতো ৰোগৰ পৰা আঁতৰ কৰি ৰাখে।

নিম্নলিখিত খাদ্য সামগ্রী ৰাতি তিয়াই পুৱা গ্ৰহণ কৰিব। যথেষ্ট ভাল ফলাফল লক্ষ্য কৰিবঃ

১. মেথিগুটি

ৰাতি মেথিগুটি এগিলাচ পানীত তিয়াই ৰাখক। তাৰ পিছত ৰাতিপুৱা শুই উঠি মেথিগুটিখিনিৰ সৈতে পানীগিলাচ খাওক। এনে কৰিলে গাঁঠিৰ বিষৰ পৰা সকাহ পাব পাৰি। আজিকালি, গাঁঠিৰ বিষ এটা সাধাৰণ সমস্যাত পৰিণত হৈছে। মেথিগুটিয়ে পেটৰ বাবেও উপকাৰী। ই কোষ্ঠকাঠিন্য উপশম কৰাত সহায় কৰে আৰু অন্ত্ৰবোৰ পৰিষ্কাৰ আৰু হজম শক্তি বৃদ্ধি কৰি ৰাখে। মেথিগুটিৰ সেৱনে মহিলাৰ ঋতুস্ৰাৱৰ সময়ত হোৱা বিষৰ পৰাও উপশম দিয়ে।

২. খিচমিচ

আইৰণ আৰু এণ্টিঅক্সিডেণ্টৰ গুনাগুণেৰে সমৃদ্ধ খিচমিচ আমাৰ স্বাস্থ্যৰ বাবে অতিকৈ উপকাৰী। যেতিয়া আপুনি ৰাতি খিচমিচ তিয়াই ৰাতিপুৱা  খাব, ইয়াৰ ফলত আপোনাৰ ছাল স্বাস্থ্যৱান আৰু উজ্জ্বল হৈ উঠিব। ইয়াক সেৱন কৰিলে ৰোগ প্ৰতিৰোধ প্ৰণালী শক্তিশালী হৈ থাকে। ই কোষ্ঠকাঠিন্য আঁতৰাই পেট পৰিষ্কাৰ আৰু স্বাস্থ্যৱান কৰি ৰাখে।

৩. শনগছৰ গুটি

ৰাতি এক চামুচ শনগছ বা তিসিৰ গুটি পানীত তিয়াই থৈ গ্ৰহণ পুৱা গ্ৰহণ কৰিলে মধুমেহৰ লগতে কৰ্কট ৰোগ প্ৰতিৰোধ কৰিব পাৰে। ইয়াৰ বীজবোৰত আইৰণ, প্ৰ'টিনেৰে সমৃদ্ধ যি ওজন হ্ৰাস কৰাতো সহায়ক হ'ব পাৰে। 

৪. কাঠবাদাম

বাদামবোৰ গোটেই ৰাতি তিয়াই ৰখাৰ পিছত, ইয়াৰ পুষ্টি যথেষ্ট বৃদ্ধি হয়। কাঠবাদামত মেগনেছিয়াম থাকে যি উচ্চ ৰক্তচাপ আৰু কলেষ্টেৰলৰ সমস্যা উপশম কৰাত সহায় কৰে। তিয়াই থোৱা কাঠবাদাম ওজন হ্ৰাস কৰাত সহায়ক। কাঠবাদাম খোৱাটোৱে মগজুৰ শক্তি বৃদ্ধি কৰে আৰু শৰীৰক শক্তি প্ৰদান কৰে।

৫. ডিমৰু

ডিমৰুত ভিটামিন, মেঙ্গানিজ, পটাছিয়াম, ফাইবাৰ আৰু ফছফৰাছ আদি উপাদানেৰে সমৃদ্ধ হৈ থাকে। ইয়াত এণ্টিঅক্সিডেণ্ট - ফ্লেভোনইড আৰু পলিফেনল থাকে যি শৰীৰক ছালৰ সমস্যাৰ পৰা উপশম কৰে। ডিমৰুবোৰ গোটেই ৰাতি পানীত তিয়াই ৰাখক আৰু তাৰ পিছত পিছদিনা ৰাতিপুৱা সেইবোৰ খাওক।

৬. বুট

বুট স্বাস্থ্যৰ বাবে অতি উপকাৰী। বুটত বৃহৎ পৰিমাণৰ প্ৰ'টিন আৰু আঁহজাতীয় উপাদান পোৱা যায়। ৰাতি তিয়াই থোৱা বুট পুৱা গ্ৰহণ কৰিলে ওজন হ্ৰাস কৰাত সহায় কৰে। একে সময়তে, শৰীৰৰ ভাগৰো আঁতৰ কৰে।

৭. মুগ 

ৰাতি তিয়াই থোৱা মুগ পুৱা খালে হজম শক্তি হজম শক্তি বৃদ্ধি কৰি ৰাখে। ই পেটৰ অন্যান্য সমস্যাৰ বাবেও অতিকৈ উপকাৰী। ইয়াৰ উপৰিও শৰীৰৰ ওজন হ্ৰাস কৰাটো মুগ যথেষ্ট কাৰ্যকৰী।

বিঃদ্রঃ- এই নিবন্ধটোৰ তথ্যখিনি বিভিন্ন উৎসৰ পৰা সংগ্ৰীহিত আৰু প্ৰাথমিক জ্ঞান হিচাপে পঢ়ুৱৈলৈ আগবঢ়োৱা হৈছে। বিশদভাৱে জানিবৰ বাবে বিশেষজ্ঞৰ পৰামৰ্শ ল’ব।