ছোৱালীৰ বাবে ব্যাপক হাৰত পৃথক বিদ্যালয় আৰু মহাবিদ্যালয় স্থাপন কৰক:জমিয়ত উলেমা-ই-হিন্দ

গুৱাহাটী,৩১ আগষ্ট:জমিয়ত উলেমা-ই-হিন্দে সোমবাৰে ছোৱালীৰ বাবে পৃথক বিদ্যালয় আৰু মহাবিদ্যালয় স্থাপনৰ পোষকতা কৰে আৰু কয় যে অ-মুছলমানসকলেও তেওঁলোকৰ ছোৱালীক অনৈতিকতা আৰু দুৰ্ব্যৱহাৰৰ পৰা আঁতৰাই ৰাখিবলৈ এই বিদ্যালয় সমূহত অধ্যয়ন কৰিবলৈ পঠিয়াব লাগে।

জমিয়ত উলেমা-ই-হিন্দ (মৌলানা আৰ্শাদ মাদানী গোট)ৰ কাৰ্যকৰী সমিতিৰ বৈঠকৰ পিছত জাৰি কৰা এক বিবৃতিত ইয়াৰ মুৰব্বী আৰ্শাদ মাদানীয়ে কয় যে সমগ্ৰ দেশতে যি ধৰণৰ ধৰ্মীয় আৰু আদৰ্শগত সংঘৰ্ষ চলি আছে তাক কোনো অস্ত্ৰ বা প্ৰযুক্তিৰ দ্বাৰা প্ৰতিহত কৰিব নোৱাৰি ইয়াক প্ৰতিহত কৰাৰ একমাত্ৰ উপায় হ'ল নতুন প্ৰজন্মক উচ্চ শিক্ষাৰে সজ্জিত কৰা।

তেওঁ অভিযোগ কৰে যে স্বাধীনতাৰ পিছৰ সকলো চৰকাৰে এক নিৰ্ধাৰিত নীতিৰ অধীনত মুছলমানসকলক শিক্ষাৰ ক্ষেত্ৰৰ পৰা বাদ দি আহিছে ।জমিয়ত উলেমা-ই-হিন্দৰ সভাপতিয়ে লগতে কয় যে অ-মুছলমান লোকসকলে তেওঁলোকৰ ছোৱালীক ল'ৰাৰ সৈতে শিকাব নালাগে বা পঢ়িবলৈ দিব লাগে। তেওঁলোকৰ বিদ্যালয়বোৰ পৃথক কৰিব লাগে তেতিয়াহে ছোৱালীবোৰক উৎপীড়নকে ধৰি সকলো সমস্যাৰ পৰা ৰক্ষা কৰিব পৰা যাব।