অৰুণাচল প্ৰদেশ ক্ৰিকেট দলৰ মুখ্য প্ৰশিক্ষক হিচাপে নিযুক্তি দিয়া হ'ল দিনেশ মংগিয়াক

গুৱাহাটী,১ ছেপ্টেম্বৰ:ভাৰতৰ প্ৰাক্তন আন্তঃৰাষ্ট্ৰীয় ক্ৰিকেটাৰ দিনেশ মংগিয়াক অৰুণাচল প্ৰদেশ ক্ৰিকেট দলৰ মুখ্য প্ৰশিক্ষক হিচাপে নিযুক্তি দিয়া হৈছে। ৪৪ বছৰীয়া দিনেশ মংগিয়াই আগন্তুক ঘৰুৱা ছিজনৰ বাবে এতিয়াৰে পৰা অৰুণাচল প্ৰদেশ ক্ৰিকেট দলৰ মুখ্য প্ৰশিক্ষক হিচাপে দায়িত্ব পালন কৰিব ।

নৱ নিযুক্ত প্ৰশিক্ষক গৰাকীয়ে কয়,"নিশ্চয় এটা প্ৰত্যাহ্বান থাকিব। এই যুৱ খেলুৱৈসকল গতানুগতিক ভাৱে অলপ পিছ পৰি আছে, সেয়েহে মোৰ অভিজ্ঞতা আৰু জ্ঞানৰ দ্বাৰা মই এই ল'ৰাসকলৰ খেল উন্নত কৰাত সহায় কৰিব লাগিব। এবছৰ বা দুবছৰৰ ভিতৰত, মই অৰুণাচলক কিছু ভাল ফলাফল দিব পাৰিম।" 

"পেছাদাৰী ক্ৰিকেট কি সেয়া তেওঁলোকক বুজাবলৈ মই এটা লগতে যোগ সূত্ৰ সৃষ্টি কৰিব লাগিব। অৰুণাচলৰ লগতে উত্তৰ-পূৰ্বাঞ্চলৰ ৰাজ্যত খুব ভাল ক্ৰিকেটৰ আন্তঃগাঁথনি নাই, কিন্তু মই সেইবোৰক অতিক্ৰম কৰি এক যোগাত্মক দৃষ্টিভঙ্গী ৰাখিব লাগিব। এইটো নিশ্চয় মোৰ বাবে এক প্ৰত্যাহ্বান, কিন্তু মই ইয়াৰ বাবে অপেক্ষা কৰি আছিলোঁ।"