আফগানিস্তানত আজি নতুন চৰকাৰ গঠন কৰিব তালিবানে; কোন কোন অন্তৰ্ভুক্ত হ'ব তালিবান ২.০ত, জানক

গুৱাহাটী, ৩ ছেপ্টেম্বৰঃ আফগানিস্তান দখল কৰাৰ প্ৰায় দুসপ্তাহ পিছত আজি আফগানিস্তানত তালিবান চৰকাৰ গঠন হ'বলৈ সাজু হৈছে। বাতৰি অনুসৰি, তালিবানে আজি শুক্ৰবাৰৰ নামাজৰ পিছতে আফগানিস্তানত তালিবান চৰকাৰ গঠন কৰাৰ সম্ভাৱনা প্ৰকট হৈ উঠিছে।

তালিবান চৰকাৰ ইৰাণৰ আৰ্হিৰ দৰে হ'ব পাৰে। ইৰাণৰ দৰে, আফগানিস্তানতো এজন সৰ্বোচ্চ নেতা থাকিব আৰু এইটো সঠিক যে তালিবানীসকলৰ শীর্ষত থকা মোল্লা হাইবাতুল্লা আখুন্দজাদা সৰ্বোচ্চ নেতা হ'ব পাৰে। এই পদটো দেশৰ ৰাষ্ট্ৰপতি বা প্ৰধানমন্ত্ৰীতকৈ অধিক ওপৰৰ বুলি গণ্য কৰা হয়।

তালিবানৰ প্ৰধানমন্ত্ৰীৰ দাবীদাৰ কোনঃ

তালিবানৰ ৰাজনৈতিক শাখাৰ মুৰব্বী মোল্লা আব্দুল গনি বাৰাদাৰক আফগানিস্তানৰ ৰাষ্ট্ৰপতি অথবা প্ৰধানমন্ত্ৰী হিচাপে ঘোষণা কৰিব পাৰে। তালিবানৰ প্ৰতিষ্ঠাপক মোল্লা ওমৰৰ পুত্ৰ মহম্মদ জেকব আৰু হাক্কানি নেটৱৰ্কৰ মুৰব্বী চিৰাজুদ্দিন হাক্কানিকো আফগান চৰকাৰত গুৰুত্বপূৰ্ণ পদ দিয়া হ'ব বুলি ব্যাপকভাৱে চৰ্চা হৈছে।

আফগানিস্তানৰ মুখ্য ন্যায়াধীশ মোল্লা ওমৰৰ পুত্ৰ মাষ্টাৰ আব্দুল হাকীম হাক্কানি শীৰ্ষস্থানত আছে। এইবাৰ তালিবানে আফগানিস্তানক ইছলামিক আমিৰাত নাম দিছে, আৰু এক পৃথক পতাকা প্ৰস্তুত কৰি উলিয়াইছে। 

ইপিনে, আজিৰ শপত গ্ৰহণ অনুষ্ঠান কাবুলৰ ৰাষ্ট্ৰপতি প্ৰাসাদত অনুষ্ঠিত কৰা হ'ব। নতুন চৰকাৰৰ সৈতে সম্পৰ্কিত সকলো ৰাজনৈতিক সিদ্ধান্ত কাবুলৰ হ'ব কিন্তু ইয়াৰ বাবে নিৰ্দেশনা কান্দাহাৰৰ পৰা আহিব য'ত হাইবাতুল্লা আখুন্দজাদা উপস্থিত থাকিব।

লগতে এইটোও জানিব পৰা গৈছে যে নতুন তালিবান চৰকাৰেও আফগানিস্তানৰ সংবিধান সলনি কৰিবলৈ প্ৰস্তুত হৈছে।